Pasiente 140 Iha HNGV Kontinua Hein Passaporte
SAPNewsTL, Dili- Relasiona ho pasaporte ne’ebe oras ne’e halo públiku hein no preokupa liliu pasiente sira ne’ebe atu ba halo tratamentu iha Rai-Liur, Vise Ministru Saúde ba Operalizasaun Hospital Flávio Brandão hatete kona ba passaporte ne’e resposabilidade Ministériu Justiça nian
Vise Ministru Saúde ba Operalizasaun Hospital hatete Ministerio saude haruka ona lista aprovadu ba Ministériu Justiça liu husi notariadu hamutuk pasiente atus ida resin pasiente sira ne’e sofre moras kankur no tumor
Iha fatin hanesan, Direitor HNGV Marcelino Correia hatete passaporte parte hospital hein deit bainhira maka Ministériu Justiça prosesa pasiente sira nia pasaporte
“HNGV nia papel maka atu hare moras ne’ebe maka laiha posibilidade atu halo tratamentu iha ne’e, hospital sira iha rai-liur maka halo akordu durante ne’e ho ministeriu saúde, Ita halo azuntamentu aprova depois iha diresaun nasional fiksu hospitalaria nian prosesa ba tratamentu iha rai-liur.” Tenik Direitor HNGV Marcelino Correia iha Ospitál Nasionàl Bidau, 11/10/2023
Diretor ne’e hatutan, pasiente sira ne’ebe laiha passaporte, haruka ona ba Ministériu Justiça liu husi notariadu, maibe seidauk hatene bainhira mak passaporte to’o
“Ba sira ne’ebe mak pasaporte laiha ita alista haruka ba MJ tau iha parte noteriadu ne’ebe prosesu tomak ne’e iha ne’eba”. Nia informa
Entretantu, iha loron ne’ebe hanesan, Guvernu liu husi Konsellu Ministru informa katak passaporte balun to’o ona Timor Leste, nune’e Ministériu Saúde (MdS) liuhosi Hospital Nasional Guido Valadares (HNGV) hahu prosesa hodi tranfere moras ba rai liur, ne’ebé durante ne’e pendente tanba Kaderneta Pasaporte laiha
Pasiente ne’ebé rejistadu iha HNGV hosi Fulan Agostu, Setembru no Outubru tinan 2023 hamutuk na’in haat-nulu (140) mak hetan ona pasaporte no daudaun ne’e prosesa hela sira-nia dokumentu hodi hala’o tratamentu ba rai liur.
Ministériu Saúde servisu hamutuk ho Ministériu Negosiu Estranjéiru (MNEC) no mós Justisa agora daudaun rejerva Karderneta Pasaporte, purvolta rihun ida resin hodi fó asisténsia ba maluk Timoroan sira ne’ebé moras hodi halo tratamentu saúde.
Ministériu Justisa (MJ) mós daudaun ne’e servisu hamutuk ho Diretora Ezekutiva HNGV no mós Junta Médika hodi rekolla dadus kona-ba dokumentu viajen ba pasiente sira ne’ebé atu transfere ba rai liur.
Tuir Informasaun ne’ebé SAP News asesu katak passaporte eletroniku hamutuk unidade 73.150 mak sei to’o Timor Leste maibé ho fazeadamente
Jornalista : Ermelinda Soares