PDC Afirma Rekruta Pessoal Saúde, Apoia Ambulánsia No Aviaun Hodi Transporta Pasiente Sira
Imajem : Estrutura PDC fahe brosure ba militante sira iha Suku Aisirimou Munisipiu Aileu, 26/04/2023
SAPNewsTL, Aileu : Prezidenti Partidu Demokrata Cristaun realiza dor to dor iha Munisipiu Aileu Postu Administrativu Aileu Vila Suku Aisirimou, Iha odamatan ba odamatan ne’e PDC hato’o hakarak hadia no dezenvole saude ba populasaun sira iha area rural
“PDC sei tau prioridade ba assuntu saude, ita hotu hatene saude importante ba ita tanba durante ne’e, ita haree saude la’o ho diak depois tinan 20 mai fatin barak mak seidauk asesu ba saude ho diak ho ida ne’e, PDC tau assuntu saude ne’e sai assuntu prioridade,” Dehan Prezidenti PDC Fransisco de Araujo ba jornalista sira iha Suku Aisirimou, quarte feira 26/04/2023
Lider PDC ne’e hatutan, PDC sei rekrukta espesial saude sira tanba durante ne’e profissional saude sira iha Postu Administrativu sira menuz no laiha
“PDC sei rekruta pessoal saude sira, tanba dala ruma ita kada postu saude ida pessoal saude la iha no dalaruma iha postu saude iha doutor ida ka rua deit ho ida ne’e partidu demokrata hakarak ba iha futuru sei hadia diak liu tan hodi hakbesik saude ba povu no garante atendimentu ne’ebe dignu ba Timor oan sira”. Nia promete
Imajem : Presidente PDC Francisco de Araujo transmite Programa ba Militante sira iha Aileu
PDC mos defende ambulansia ida-ida ba kada postu saude sira no aviaun hodi transporta urugente pasiente sira ne’ebe iha tasi sorin
“Ita hakarak iha Ambulánsia hodi transporta pasiente sira tanba sentru saude barak falta Ambulánsia, no PDC mos hakarak iha transporte aviaun hodi bele fasilita lais ita nia pasiente sira husi tasi sorin no mos iha foho leten (iha Munispiu ka dook husi Ospital Nasional ), Ita hotu hatene kazu ne’ebe mak akontese iha foho Ramelau i oinsa atu halo tratamentu lais ba ema nia vida tanba deit ita nia transporte Aero la iha hodi tulun lais ita nia komunidade sira ne’ebe mak hetan atakasaun husi moras “Dehan Prezidenti PDC
Nia mos akresenta, PDC mos hakarak halo rekrutamentu ba sientista sira, banhira povu sira atu halo tratamentu ka moras seluk la persija ba rai liur, bele aloka orsamentu ba Hospital Nasional Guidu Valadares (HNGV), inklui halo laboratoriu nasional saude ho ekipamentus ne’ebe adekuadu iha Timor Leste
Entertantu, iha dor to dor ne’e mos hetan partisipasaun husi militante no komunidade sira husi Suku Aisirimou Postu Administrativu Aileu Vila Munisipiu Aileu, akomapanha bo hetan observasaun direita hsi Komisaun Nasional Eleisaun (CNE sigla Portuges), Provedoria dos Diretitos Humanos e Justisa (PDHJ) no hetan seguransa husi Polisia Nasional Timor Leste (PNTL)
Jornalista : Lidia Amaral