Elege Pe. Leandro Ba Bispu Baukau, Papa Francisco Agradese Ba Disponibilidade

SAPNewsTL, Dili : Hafoin Maktoban Bispu Dioceze Baucau Dom Basilio do Nascimento Fila Hikas Ba Aman Maromak Nia Kadunan Santu Iha Loron 30 Outobru 2021, Sarani Timor Leste Hamonu Matan Ween tanba lakon nia bibi atan ida ne’ebe servi no hadomi nia povu sira, Durante tinan ida resin sarani Timor Leste partikularmente sarani Dioseze Baukau harohan, reza no Hein Kleur Tebes, Ikus Mai Nai Maromak ne’ebe laran luak tebes hili no fihir ona Pe. Leandro Maria Alves sai Bispu Foun Dioceze de Baukau

Ohin Loron 26 Fulan Abril Tinan 2023, Sarani Timor Leste rona no simu novidade murak ne’e katak. liu husi Secretaria de Estado de Sua Santidade, Sua Eminencia Cardeal Pietro Parolin, ho karta N. 223/23-T, representa Santu Padre konkorda halo publikasaun ba nomeasaun iha Jornal Ofisial Santa Se “Osservatore Romano”, katak Pe. Leandro Maria Alves mak sai Bispu Foun Diosezanu Baukau

Tuir karta N. 223/23-T ne’ebe SAPNewsTL asesu, liu husi karta ne’e Santu Parde Papa Francisco agradese ba disponibilidade Pastor Leandro Maria Alves nia disponobilidade hodi servi Dioseze Baukau ho nia Jenerosidade Apostolika no Zelo Pastoral

“Sua Santidade Papa Francisco Agradese desde iha nia disponibilidade husi nia reverensia ba servi Dioseze Baukau hanesan Pastor ida ho nia jenerosidade apostolika no zelo pastoral. Grasa Maromak nia ida ne’e la falta nia divinu Ministeriu ho nia asistensia espritu santu iha kominiaun ba santa igreja katolika tomak”, Haktuir Monsenhor Marco Sprizzi hanesan Enkarregadu de Negosiu a.i. Sua Santidade Santu Padre Papa Francisco nian Iha Timor Leste, 26/04/2023

Jornada Pe. Leandro Maria Alves Ne’ebe Nomeiadu Sai Bispu Foun Dioseze Baucau :

Nome : Pe. Leandro Maria Alves
Fatin no data Moris : Ermera, 10 de Maio de 1974

ESTUDOS:
1990-1993 : SMAK St. Yosep Dili
1993-1994 : Ano Propedéutico
1994-1995 : Ano Espiritualidade São Maria Vianey – Dare
1995-1998 : Faculdade Filosofia e Teologia da Universitas Katolik Widya Mandira – Kupang (SAG).
1999-2001: Ano pastoral no Seminário Menor Balide
2001-2004 : Estudo de Teologia no Instituto Superior de São Tomas Aquino Evora-Faculdade de Teologia da Universidade Católica Portuguesa.
2014-2017 : Licenciado em Teologia Dogmática na Universidade Pontifício Urbaniana – Roma.

ORDEM SACRA
2004-2005 : Pastoral iha Paróquia Turiscai
2005 : Ordenação Diaconal
2006 : Ordenação Sacerdotal, 8 de Dezembro.

SERVIÇOS:
2006-2007 : Vigário Paroquial da Se Catedral.
2008-2011 : Perfeito da disciplina no Seminário Maior de São Pedro e São Paulo

Fatumeta.
2009-2014 : Diretor da Fundação São Paolo da Diocese de Dili.
2009-2014: Diretor Executivo de Conectil.
2010-2012 : Secretário do Conselho Presbiteral da Diocese de Dili.
2011-2014 : Reitor do Seminário Menor de Nossa senhora de Fátima – Balide.
2011-2014 : Diretor da escola Secundaria Católica de Nossa Senhora de Fatima –Balide.
2017-2018: Vigário paroquial da paróquia de Catedral, Dili.
2018-2023: Secretário executivo da Conferência Episcopal Timorense (CET).
2023: Pároco da Paróquia de Catedral, Dili.

Agrasede Wain Tebes Ba Aman Maromak Ne’ebe Fihir Ona Bibi Atan Foun hodi servi sarani Dioceze Baucau. Obrigadu, Obrigadu no Obrigadu Ba Jesus Kristu

Parabens Ba Pe. Leadro Maria Alves Bispu Foun Dioceze de Baukau. Votus Susesu Iha Servi, Tane no Bali Sarani Dioseze Baucau Iha Misaun Santu no Nobre Ida Ne’e.

Jornalista : Luis Pailofo