Pe. Augusto : Mate Rohan Laek, La Manan Moris Rohan La’ek. Jesus Moris Hias Husi Mate, Hamoris Ita Nia Espíritu Servi, Domin no Perdaun
Sapnewstl, Luro-Lautém 17 Abril 2022 : Iha Omilia Domingu Ressureisaun Padre Selebrante Pe. Augusto Assunção Delfim de Sá hateten Belun, Domingu da Ressureisaun sai sentru ba ita nia moris ba ita ema sarani sira hotu iha kreda, Sagrada Eskritura sira relata mai ita forsa ka kbiit hosi moris hias ita Nai Jesus Kristu nian ne’ebe manan manan mate salva nia emar sira hotu husi sala atan no sala nia ukun.
Pe. Augusto Akresenta, iha primeira leitura apostolu sira nia hahalok hodi relata oinsa Pedro ho aten brani hodi fo sasin ona ba ita Nain Jesus Kristu moris hias, Nia fo brani tomak hodi hato’o esperiensia da kontinuidade ba Jesus Kristu iha nia vida katak jesus moris hias ona husi mate.
Entretantu, Pe. Augusto hatutan, Wainhira Jesus moris hias seidauk to’o tempu pentekoste sira hotu tauk, la brani maibé apostolus brani tebes tamba hosi konsekuensia hosi moris hias ne’e nia kbiit,iha kbiit ida ne’e maka halo ema ne’ebé folin laek, laiha kbiit, ema ne’ebé tauk, ema ne’ebé la brani ikus mai brani hanesan belun hodi fó sasin iha ema wain nia oin kona-ba saida maka sira akompaña no akontese ba Jesus Kristu nia moris.
Nune’e mós kona-ba Jesus Kristu ninia moris hias iha sira nia viajem hamutuk ho Jesus Kristu,ohin missa revela ida ne’e sagrada eskritura no evanjellu fó mai ita São João nian katak ita tenki haklaken ba ema hotu katak oan mane moris hias ona husi mate, jesus manan ona mate, jesus nia moris hias hamoris ita nia espiritu servisu makaas, hadomi malu, perdua malu no hakaas an fila ba maromak hodi tuir nia ukun no bandu. Tenik Pe. Augusto de Sá.
Enkuantu, Misa ne’e hetan partisipasaun maksimu husi sarani sira no la’o iha ambiente ne’ebe hakmatek, dame no estabilidade nia laran durante semana santa paskoa nia laran. Luro, 17 Abril 2022.
Jornalista : Luis Pailofo
Editor : Geraldo da Gama