PN Preokupa Liafuan & Imajen Asédiu Sexual Iha Transporte Públiku

SAPNewsTL,Dili: Deputada Bankada FRETILIN Lidia Norberta Preokupa ho asediu sexual ne’ebe mak mosu iha transporte públiku sira hanesan imajen, stiker no liafuan la diak sira ne’ebe tau iha mikrolet no Bus nia lolon

Nune’e, Deputada Bankada FRETILIN ne’e husu ba Autoridade Segurança hodi tau atensaun maksimu ba aktu hirak ne’e

“Husu ba autoridade kompetente sira atu tau atensaun maximu liuliu ba Transporte Públiku sira tanba, ita Haree hanesan Microlete sira daudaun ne’e la’o ou halai iha Dili laran ne’e, maioria sira uza stiker ou imagem no liafuan ne’ebe asediu sexual”, Tenik Deputada Bankada FRETILIN Lidia Norberta iha Parlamentu Nasionàl (PN), 24/07/2023

Deputada ne’e hatutan, “Ita bo’ot sira haree mikrolete sira nia kotuk ne’e iha stiker liafuan sira ne’ebe mak mal no la iha edukativu, sera que husi tránzitu sira ne’e kontrola de’it mak ema sira ne’ebe mak ho transporte privadu sira no mos halo deit chek ba dokumentus sira maibe la hare ba liafuan sira neebe tau iha mikrolet,Bus sira?”.

Lidia husu atu tau atensaun liliu ba mikrolete sira ne’ebe taka stiker hanesan ne’e iha Mikrolete, Bus ne’e nia lolon no iha vidru kareta sira

“Tau atensaun ba Karreta sira tanba ida ne’e mos sai hanesan insultu ida ba ema seluk nia pensamentu, haree ba ema seluk ne’e hanesan animal, iha liafuan balu temi ema nia orgaun vitava, no balu temi to’o liafuan sexu, ida ne’e la dun diak tuir lolos ita mos tenki tau matan ba ida ne’e”.nia husu

Enkuantu, Tuir Observasaun SAP News Timor-Leste iha terenu nota katak, tebes duni iha mikrolete balun ne’ebé Taka stiker no hakerek liafuan ne’ebe la Edukativu iha Karreta nia odamatan, Karreta nia parede no nia kotuk

Hafoin Notisia ne’e tun, SAP News seidauk halo komfirmasaun ho Parte Segurança Munisípiu Dili tanba sei okupadu ho Servisu seluk

Jornalista : Ermelinda Soares & Anina Martins