Bankada FRETILIN Preokupa Komunidade Lahane Ocidental Konsumu Bee Fo’er
SAPNewsTL, Dili : Liu husi Plenária Parlamentu Nasionàl Segunda Feira Orseik, Deputada Bankada Frente Revolucionário Timor Leste Independente (FRETILIN) Marquita Soares haktuir komunidade iha Suku Lahane Osidental to’o agora seidauk asesu ba bee moos
“Timor ukun an tinan 21, maibe populasaun iha Lahane to’o agora seidauk hetan bee mos no iha komunidade balun sei nafatin uza Bee mota to’o agora, liliu populasaun sira ne’ebé sempre ba haris iha mota ne’ebe maka husi Hospital Militar nian tun mai, bee foer sulin tun mai iha mota”. Dehan Deputada Marguita Soares, iha Uma Magna PN, Segunda (24/07/23)
Deputada akresenta, Populasaun no komunidade sira iha mota ne’ebe bee foer teb-tebes hodi haris, fase-roupa, Nia konsidera situasaun ne’e bele afeta ba sira nia Saude liu liu ba moras kulit no isin katar
Deputada ne’e husu ba Bee Timor Leste (BTL) hodi bele tau atensaun Maximu ba sistema bee mos iha Dili laran liu liu ba suku Lahane Ocidental ninian tanba bee moos importante tebes ba populasaun sira
Enkuantu, Presidente Parlamentu Nasionàl Maria Fernanda Lay rekunese sidade Dili laiha bee ne’ebe ijiene
“Bee Laiha ijieni, los duni, ita iha problema bee moos iha Sidade Laran maibe, ita hein katak ita nia governj bele tau ba problema sira hanesan ne’e”.Dehan Presidente PN Maria Fernanda Lay
Hafoin, Notisia ne’e tun SAP News seidauk halo komfirmasaun ba Bee Timor Leste Empreza Públika, Tanba sei okupadu ho Servisu seluk
Jornalista: Ermelinda Soares