PR Horta Husu Sosiedade Labele Diskrimina Ema Ne’ebe Afetadu HIV-SIDA

SAPNewsTL( Dili ) : Presidente da Republika Jose Ramos Horta, husu ba sociedade no comunidade Timor Leste atu hadok an husi HIV-SIDA tanba seidauk iha kura no laiha vasina.
Lia hirak ne’e hato’o husi xefe estadu hafoin partisipa iha serimonia inaugurasaun “WHO southeast Asia Regional Technical meeting on family planning and comprehensive abirtion care, iha Salaun Oka Dili Relasiona ho loron HVI-SIDA neebe monu iha loron 1 fulan Dezembru.

” Kazu barak iha Timor Leste ne’e akontese, tanba lakoi kuidadu liliu ba joven sira, labele estraga imi nia vida, kuidadu no proteze imi nia aan, importante liu mak prevensaun uza prezervativu”.( dehan xefe estadu iha Salaun Oka Rudal Dili Quarta feira ne’e 30/11)
Xefe estadu akresenta HIV-SIDA hanesan moras ida sei ladaet ba ema wainhira tuur hamutuk, Han hamutuk, hakuak malu, uza sasan hamutuk, haris troka malu, maibe daet husi relasaun sexual laho parseiru.

Aleinde ida ne’e Xefe estadu Horta mos husu ba komunidade sira atu labele diskrimina ema ho HIV-SIDA bainhira halo aktividade ekonomiku, sosial no kultural.
“Ha’u hateten atu labele iha diskriminasaun no estigmasaun ba ema ho HVI-SIDA, tanba laos gripe ka virus hanesan Covid-19 ne’ebe ita besik deit mos ladiak” ( afirma Xefe estadu Horta)

Entertantu, Xefe Estado Horta husu ba sidadaun no entidades hotu ne’ebe sente ona sintomas ba HVI-SIDA tenki hakbesik aan ba sentru saude, klinika ka hospital hodi hetan tratamentu.

Enkuantu, iha serimonia lansamnetu ne’e hetan partisipasaun maksimu husi Presidente Republika Jose Ramos Horta, Ministra Saude, entidade balun husi estrangeiru inklui konvidadukonvidade sira husi rai-laran
Jornalista : Vinsensius saldanha Morais De Araujo.