PR Horta Kondekora Forsa Koreanu Na’in 5 Mate, Embaixador Korea Agradese TL
![](https://sapnewstl.com/wp-content/uploads/2022/08/image-56-650x465.png)
SAPNewsTL, Dili : Presidente da Republika José Manuel Ramos Horta Iha Segunda feira ne’e Liu husi Dekretu Presidente da Republika nú. 61/2022 6 de Agosto kondekora forsa koreanu Nain 5 ne’ebe Lakon sira nia vida iha mota Noel Ekat iha Regiaun Administrativu Espesial Oe-Cusse Ambeno(RAEOA).
Iha Diskursu Presidente da Repúblika lori nasaun tomak nia naran fo sentidu kondolénsia, hakuak hamutuk ho familia ba asidente iha Oe-Cusse Ambenu
“Ba familia ne’ebe iha ne’e, Ha’u hakruuk ba imi, lori Nasaun tomak nia kondololénsia, hakoak imi hamutuk ho imi ba sira ne’ebe hetan Asidente mortal iha Oe-Cusse, Eventu sira ida hanesan ne’e iha Timor-Leste nia istoria, Ami mos familia lubuk ida lakon Timor oan rihun ba rihun durante tinan 24 nia laran, ne’e duni nu’udar Timor oan komprende, hatene no sente sofrimentu familia Militar sira Nian”. Dehan Presidente da Repúblika José Manuel Ramos Horta iha Palasiu Presidensial, Dili, 08/08/2022
Tuir Presidente da Repúblika Elementus balu Forsa da Paz ONU nian lakon iha fatin hanesan, Suai, Alas, Kristu-Rei, elementu GNR ida mate iha Subaun no ida Iha Laleia.
“Elementus balu forsa da paz ONU Nian lakon nia vida iha Suai, elementus forsa Portuguesa servisu helekopter Lakon vida Asidente Iha Alas, elementu sira seluk tan inklui forsa Pakistan Lakon vida, wainhira dezativa bomba Besik kristu-Rei, no elementu GNR ida mate iha Subaun, kauza Asidente kareta bainhira fila Iha Laleia, Bainhira halo dezativasaun ba bomba antigu Iha Laleia, Iha Timor Leste iha Elemento Internasional balun Militar, Polisia no sivil Lakon sira nia vida”.(hatete Nia)
![](https://sapnewstl.com/wp-content/uploads/2022/08/image-57-650x451.png)
Iha Sorin seluk Embaixador Korea Iha Timor Leste, king Jeong Ho, hato’o agradese ba Presidente da Repúblika mesmu okupadu bele realiza eventu ne’e.
“Ha’u nia agradese wa’in ba Presidente da Repúblika Timor Leste mesmu okupadu bele realiza eventu ne’e, Ita hotu hatene militar Evergreen korea do Sul Nain 5 mate Liu ona Tinan 19, ba ami tinan 19 mos lori memoria diak ka aat ba ita hotu”. Dehan Embaixador Korea Iha Timor Leste kin Jeong Ho.
![](https://sapnewstl.com/wp-content/uploads/2022/08/image-58-650x433.png)
Tuir Embaixador Korea Iha Timor Leste king Jeon Ho, maske Liu ona Tinan 19 Povu Timor sei hanoin sira nia Dedikasaun, Domim ba Timor, Tanba ne’e representa Estado Korea fiar katak familia sira mos bele sente Domin ne’ebe Povo Timor Leste fo ba sira nia oan Nain 5, domin sira ne’e sei halo sira hakmatek bainhira fila ba korea.
Jornalista : Vinsensius Morais Araujo
Editor : Ekipa Editorial