Sport For Life Distribui Sertifikadu Ba Foinsa’e 50, SPORTIMPACT Kontra Dezigualidade

SAPNewsTL, Dili : Desportu ba Moris iha Timor-Leste (SPORTIMPACT), Distribui Sertifikadu ba formandu na’in-50 iha Lasama Traning Center (LTC), hafoin fo formasaun ba foinsa’e sira hamutuk limanulu (50), iha intrevista Koordenadora SPORTIMPAC Virginia de Graca da Cruz hateten totál formandu ne’ebé mak ohin simu ne’e na’in-50, maibé na’in-25 husi Movimentu Estudante Tane Oekusse (METO), no 25 husi Lasama Treining Center (LTC).

“Sport for Life kontra Dezigualdade Jéneru, bazeia ba peskiza iha Timor-Leste hatudu katak mosu dezigualdade boot tebes, maioria Jéneru tanba ema susar atu mistura Jéneru nia responsabilidade, husi ne’e ema hanoin katak, feto bele halo feto nia sasán de’it, mane mós halo ninia sasán de’it, nune’e mak konstrui sosiseade no halo ema konfundi.” Tenik Koordenadora SPORTIMPAC Virginia de Graca da Cruz iha Lasama tranning Center, Dili, 07/08.

Kordenadora ne’e hatutan, Sport for Life luta hodi hatuur loloos feto ho mane sira nia direitu no responsabilidade ne’ebé hanesan iha sosiedade Timor-Leste

“Sport for Life hamriik iha 2015, ami treina juventude besik rihun sanulu resin-rua (12.000) iha Munisípiu 13. Ami treina mais rihun 2, kompostu husi 45 administrativu iha Timor laran tomak, atividade ne’e regular ba Sentru Juventude iha Munisípiu, nune’e husu ba Sentru Juventude sira atu sira labele para iha ne’ebá de’it, tenke akumula juventude sira tuir formasaun hodi hatur direitu no responsabilidade ne’ebe hanesan iha sosiedade Timor-Leste”. Nia dehan

Nia afirma, Sport for Life dezafia joven sira, tanba nia la fó osan ba joven sira, maibé nia fó dalan ba joven sira, oinsá bele uza sira nia abilidade hetan osan ba sira nia an

“Bolu atensaun ba Sekretáriu Estadu Juventude no Desportu (SEJD), hodi tau atensaun seriu ba asuntu juventude, tulun joven sira hodi rekoñese sira nia an katak hahú kedas halo asaun hodi bele konstroi sira nia mehi,” nia dehan.

Entretantu Fransisca Bian nu’udar formanda husi METO, sente kontente tanba bele tuir formasaun ne’e aumenta sira nia koñesimentu, no aprende buat barak husi Sport For Life.

“Ha’u kontente tebes, hodi tuir kursu intensivu ba Desportu ba Moris Kontra Dezigualdade Jéneru, tanba buat di’ak ne’ebé ha’u hetan husi formador ou formandora sira mak hanorin ami oinsa bele sai lider, atu sai lider ne’ebé mak di’ak iha futuru, presiza iha kapasidade, abilidade, akumula ema hotu no hadomi ema hotu”. Nia hatete

Enkuantu, formandu ne’e fo agradese ba Estrutura METO sira nia esforsu no luta bele buka formador ou formadora sira husi Sport for Life, nia mos husu ba joven sira atu aprende barak liu tan ba futuru

Journalista : João Marito

Editor         : Ekipa Editorial