PR Horta Vizita NTT, Deputadu Bankada Fretilin Joaquim La Konkorda

SAPNewsTL, Dili : Deputadu Bankada Partidu Fretilin Joaquim dos Santos preokupa Prezidente Repúblika José Manuel Ramos Horta ba vizita Nusa Tenggara Timur (NTT).

Deputadu Joaquim dos Santos levanta kestaun ne’e, iha Plenaria Parlamentu Nasional ohin, nia hateten Prezidente Repúblika José Manuel Ramos Horta ba vizita NTT, tuir nia hatene aprova iha Parlamentu Nasionál  fó asentimentu vizita estadu ba hasoru Prezidente Repúblika Joko Widodo

“Tuir buat ne’ebé ha’u hatene vizita estadu ne’e entre Prezidente ho Prezidente mak rezolve asuntu sira ne’ebé relasiona ho sidadaun sira iha estadu”. Lia hirak ne’e hato’o liu husi intervensaun iha Parlamentu Nasionál, Tersa, 02/08/2022.

Deputadu Bankada Partidu Fretilin Joaquim dos Santos  hatutan Prezidente Repúblika derepenti mosu iha NTT ne’e nia la hatene, ba hanesan individu ka ba hanesan Prezidente Repúblika.

“Em termus protokolu Estadu, ha’u hanoin matéria ne’e importante sensitivu ba estadu Timor-Leste, presiza diskuti fó hatene Primeiru Ministru kuandu iha enkontru semanal karik ko’alia ba Prezidente Repúblika kurizi atitude sira hanesan ne’e kuandu tama iha protokolu estadu”.

Deputadu ne’e realsa, purké figura la di’ak ba Timor-Leste kuandu Prezidente Repúblika ba fali iha aldeia ne’eba

“Ita-nia Ministru mós la ba tan, la hatene Ministru husi Indonezia akompaña ka lae, tuir loloos entre estadu, Prezidente ho Prezidente asuntu saida deit ko’alia iha nivél Prezidente Repúblika, la’ós ita-nia Prezidente ba to’o fali iha Aldeia ida tempu Indonézia nian, i sein prezensa Prezidente Repúblika, halo moe ita deit, ha’u la tama iha ninia asuntu maibé atitude ida ne’e ha’u la konkorda”. Tenik nia

Enkuantu, Deputadu Joaquim dos Santos Husu ba Sr. Sekretáriu Estadu bele haree asuntu ida ne’e, se bele revoga lai kona-bá protokolu nian, substansia balu iha lei protokolu estadu tenke revoga no tenke hadi’a

Jornalista : Eduardo Moniz