TL Sofre Inflasaun, FONGTIL No Tane Konsumidor Husu Estadu Normaliza Folin Kombustivel
SAPNewstl, Dili : Relasiona ho Inflasaun ne’ebe aas iha merkadu, Liu husi komunikadu Imprensa Diretor Ezekutivu FONGTIL Valentin da Costa hateten situasaun krisi ekonomika ne ‘ ebe mundu enfrenta tanba funu Rusia ho Ukrania ne’ebe provoka folin mina ne’ebe sa’e iha merkadu internasional no folin ba bens necesidade basika sira mos sofre inflasaun no hadaet to’o mai Timor-Leste tanba ne’e husu estadu nia intervensaun ba situsaun ida ne’e
“Haree situasaun merkadu mundial ne’ebe mak ninia folin mina hahu normaliza dadaun ne’ebe hatudu iha loron 01.08.2022, brent London, tun 63 centavus ( 0.6% ) ne’ebe folin mina matak $ 103.34 USD / barril . Enquantu WTI ( West Texas Intermediate ) Amerika Serikat / Estadu Unidus America folin mina matak monu 75 centavus ( 0.7% ) folin mina matak barrill koresponde $ 97.8 USD, wainhira negosiu iha merkadu Asiatiku nian tun ba $ 95 USD / barril”.Dehan Diretor Ezekutivu FONGTIL Valentin da Costa Pinto ba Jornalista sira iha Salaun FONGTIL Caicoli Dili, Terca-Feira (02/08/2022)
Nia hatutan Iha Timor-Leste konsumidor mos hein surumutuk husu presensa Estadu iha situasaun atual ne’ebe afeta ba konsumidor sira.
“Direitu Konstitusional ba konsumidor sira hodi asesu ba bens konsumu, Presiza intervensaun Estadu liu husi garante ba asesu kombustiveis , Timor GAP nu’udar Empresa Pública (E.P) bele fó garantia hodi hatama mós mina, presiza fó kbiit ba ANPM, I.P hodi hala’o ninia knar nu’udar reguladora liu husi atualizasaun ba Dekretu Lei Preço Justo ne’ebe la kontempla kona-ba limete maximu no minimu ba folin konbusiveis”. Tenik Nia
Iha Fatin hanesan Prezidenti Assosiasaun Tane Konsumidor Antonio Ramos da Silva hateten konstitiuisaun RDTL rasik ko’alia direitus ba konsumidor sira asesu ba bens públiku hanesan Mina.
“Iha lei konsumidor nú. 8/2016, 8 de Jullu ne’ebe koalia kona ba lei ba proteksaun konsumidor sira nian, Kuaze lei ida ne’e dehan katak konsumidor sira iha pontus rua mak hanesan Kualidade ba produtu konbustiveis no mos folin, iha mos Dekretu Lei nú. 29/2011, 20 de Jullu ne’ebe mak ko’alia kona-ba presu justu, iha mos Dekretu Lei nú. 1/2012, 1 de Fevereiru ko’alia konaba atribuisaun kbiit ba ANPM, iha ne’eba mos iha poder fiskalizasaun maibe la iha Poder de Estabelese”. Nia Tenik
Nia hatutan Konsumidor Tane foti relatóriu kona-ba folin mina nian hahú horseik iha Timor-Leste no mos foti folin husi merkadu vizinhu sira mak hanesan Indonesia, Singapure, Malaysia no Austrália.
“Tane foti folin iha bomba Gazolina sira iha Timor-Leste, iha Distribuidor tolu (3) mak hanesan ETO, Pertamina Internasional no Global, ami foti dadus iha 28 de fevereiru, 5 de abril no ikus iha 1 de agostu katak nia diferensia no tendénsia ne’e sa’e makaas, maibe agora ita haree ba tendénsia Merkadu de Vizinu folin komesa Normaliza ona”. Nia hakotu
Reporter : Marcela Mesquita Lemos
Editor : Luis Pailofo