PR Horta Vizita PNTL, Feto Laiha Lideransa PR Sei Veta Orsamentu

SAPNewsTL,Dili : Prezidente Repúblika José Manuel Ramos Horta hala’o vizita ba kuartel Jeral Polísia Nasionál  Timor Leste (PNTL) Cai-Koli Dili, Ne’ebe akompana husi Vise Ministru Interior Antonio Armindo no Maijor Jeneral Falur Rate Laek no simu direta husi Komandante Jeral PNTL Faustino da Costa.

      “Ha’u mai vizita komandu PNTL akompanhado ho Vise Ministru Interior no Maijor Jeneral das Forcas Armadas no uma na’in Komandante Jeral, Ha’u haree kompara ho tinan lubuk ida iha kotuk progresu barak teb-tebes iha kualidade profesionalismu”. Dehan Prezidente Repúblika Jose Manuel Ramos Horta iha Kuartel PNTL Cai-Koli Dili, Sexta-Feira ne’e 12/08/2022.

Tuir Prezidente Repúblika Jose Manuel Ramos Horta ekipamentu PNTL la sufisiente. Maibe orsamentu Jeral Estadu ne’ebe tau ba PNTL iha evolusaun.

       “Ita nia forsas Polísia seguransa iha ekipamentu la sufisiente, Maibe kompara ho uluk orsamentu Jeral do Estadu ne’ebe tau mos ba PNTL iha evolusaun di’ak, iha tinan hirak nia laran se karik ha’u halo avaliasaun ruma aktividade sivika, aktividade komportamentu PNTL nian hanesan mos F-FDTL nian, Ha’u iha experiénsia iha area ida ne’e di’ak.(hateten Prezidente da Repúblika)

Aleinde ida ne’e Prezidente Repúblika mos husu Governu atu tau matan ba Instituisaun PNTL no F-FDTL liu husi Orsamentu Jeral Estadu.

   “Governu Hakarak tau matan liu ba forsas nain 2 ne’e, se bele fo orsamentu espesial ba sira para sira bele halo mos aktividades sosiais, sivikas, desportivas, tanba iha tempu de paz Timor laiha konflitu, ita nia forsas la Busy ho konflitu armadu ruma, ita nia Polísia laos busy ho problema seguransa bar-barak los,  entaun sira iha possibilidade para ajuda komunidade sira”. Tenik Prezidente da Repúblika

Entertantu, Tuir Prezidente Repúblika tinan 20 nia laran, Nia haree  Instituisaun PNTL Feto laiha lideransa

        “Buat ida ne’ebe ha’u lagosta liu iha PNTL mak kuaze Feto laiha lideransa, Ha’u hakarak haree Feto la’os deit aumenta número ba baze, maibe feto komandantes, Laiha Feto komandantes, Ha’u veta Lei orsamentu, Ha’u haree númeru ne’e kuaze ema atus ida feto oan ida iha tinan 20 nia laran laiha lideransa”. Hatete PR

Jornalista : Vinsensius Saldanha Morais De Araujo

Editor       : Luis dos Santos