PR Ramos Horta Prefere Konsensu Nasionál, Hametin Demokrasia no Redúz Ki’ak Iha TL

Sapnewstl Dili – Prezidente Repúblika Demokrátika de Timor Leste ba Períodu 2022-2027 ,DR. José Manuel Ramos Horta hateten, Partidu hotu-hotu iha Parlamentu tantu sira ne’ebe laiha Parlamentu sei buka dalan hodi halo dialogu formal no informal, buka dalan konsensu nasionál hodi hametin demokrasia no reduz probreza iha Timor-Leste

Tuir Presidente Repúblika Demokrátika de Timor-Leste Dr. Jose Manuel Ramos Horta hateten, partidu polítiku hotu-hotu ba iha ita nia uma fukun sagradu para halo dialogu hodi resolve problema nasional no hametin demokrasia iha ita nia rain

“Ba partido Sira hotu hotu  iha Parlamentu i sira labele iha parlamentu nia sempre buka tun ba iha ita nia uma fukun, uma sagradu para ita halo dialogo, odamatan sei loke ba Ita bo’ot sira para ita koalia formal no informal  para ita buka dalan konsensu nasional para hametin  rai ida ne’e, hametin  demokrasia para hatun probreza no mal nutrisaun iha rai ida ne’e.”dehan Dr. Jose Manuel  Ramos Horta iha nia diskursu, Tasi-Tolu Dili, Sexta-Feira loraik(19/05/2022).

Entretantu, Presidente Repúblika Dr. Ramos Horta mos agradesimentu ba Dr. Francisco Guteres Lu Olo ho nia Espoza no Primeiru Ministru Taur Matan Ruak ho nia espoza ba dedikasaun tomak ne’ebe fo ona durante ne’e inklui vizitantes sira hotu husi dook ne’ebe konsege partisipa iha serimónia investidura ida ne’e.

ʺBa Polísia Nasionál Timor-Leste (PNTL) hakuak bo’ot ba imi hotu, nu’udar presidente sei tau matan ba imi para imi sai ita nia polísia da paz, polísia ba povo nian ho ekipamentu, no formasaun  humano״. Tenik Presidente Ramos Horta iha nia diskursu

Enkuantu,  Presidente Repúblika Demokrátika de Timor-Leste Dr. Jose Manuel Ramos Horta agradese ba instuitusaun  STAE no CNE ne’ebe halo  Administrasaun Eleisaun tinan ida ne’ebe la’o ho diak no susesu.

Jornalista    : Natalino Paulo da Silva

Editor.         : Sandra Conzita