Prezidente Aitana Halo Protestu, La’os Baku Arbitrajen Iha Estadium Munisipal Dili

SAPNewsTL, Dili: Prezidente Aitana FC Abel Xavier “Niki” halo protesta laos baku arbitrajen iha jogu Aitana FC kontra Assalam FC iha Estadium Munisipal Dili tanba sente arbitrajen halo failansu bainhira dirije jogu refere

“Ohin dezenvolvimentu mosu ne’e  ha’u  protesta ba failansu arbitrajen nian laos baku ne’ebe problema  ne’e ohin ami rezolve tiha ona hamutuk  Prezidente Assalam FC no parte diresaun arbitrajen ho orgaun LFTL nian para hadia atu nune’e ita nia jogu iha nasaun ne’e lao diak  tanba nu’udar prezidente klube hamutuk ho treinador ne’e responsável boot ba klube”, Prezidente Aitana FC Able Xavier “Niki” ba jornalista sira iha Estadium Munisipal Dili sesta (10/03/2023)

Prezidente hatutan, jogu ne’ebe ohin jogador husi ekipa Aitana FC ho Assalam FC hatudu ne’ebe kapas tebes ne’ebe rezultadu diak ka ladiak nu’udar prezidente sempre simu ne’ebe  jogu rezultadu ikus impata ho skore 2-2 ne’e diak ba ekipa rua ba jogu tuir fali mai ne’ebe jogador  diak ne’e arbitrajen sira mos tenki diak para jogu ne’e la’o ba oin iha Timor-Leste.

Entretantu  depois jogu minutu 45 remata mosu dezenvolvimentu iha Estadium Munisipal Dili, tanba Prezidente Aitana FC  halo protestu no jogador sira tenta atu halo agresaun fiziku  hasoru arbitrajen prinsipal ne’ebe dirije jogu ne’e  tanba sira la satisfaz  desizaun arbitrajen iha kampu laran tanba Aitana FC konsidera bola kona jogador Assalam FC nia lima iha area penalidade nian maibe arbitrajen la fo suta penalidade ba ekipa Aitana FC

Enkuantu, hafoin dezenvolvimentu ne’e mosu parte LFTL no diresaun arbitrajen bolu prezidente, treinador no kapitaun husi ekipa rezolve ba dezintendimentu ne’ebe mosu ne’e, sira rezolve kuaze oras ida nia laran ikus mai jogu hala’o fila fali ne’ebe rezultadu ikus impata 2-2.

Reportajen: Augusto dos Santos