Programa Loron 120, Guvernu Sei Prioritiza Infraestrutura Ba Munisípiu Sira
SAPNewsTL, DILI- Ohin IX Governu Konstitusional ne’ebe mak lidera husi Primeiru Ministru(PM),Jose Alexandre Kayrala Xanana Gusmão apresenta programa ba Parlamentu Nasional (PN), iha Plenária PM Xanana Gusmão haktuir Dezenvolvimentu Infraestrutura sai programa prioridade ba loron atus ida ruanulu(120) liu husi halo manutensaun, normalizasaun no reabilitasaun ba estrada, Ponte no mota iha Munisípiu hotu
Primeiru Ministru Kayrala Xanana Gusmão konsidera Setor infraestruturas sai hanesan motor ba desenvolvimentu nasional, ne’ebe bele dudu kapital social, Kresimentu eckonómku, kriasaun de emprego no konsolidasaun iha instituisaun sira
Haktuir nia katak ba loron atus ida ruanulu(120),IX governu sei tau prioridade ba infraestrutura sira hodi rekupera estrada no mota sira
“IX Governu Konstitusional hakarak rekupera no kaer fila fali planu integradu ba infraestruturas, obras ho qualidade no proporsionais ba investimentu. iha loron 120 ne’e sei halo levantamentu kona-ba prinsipais nesessidades iha manutensaun de estradas no normalização mota iha país tomak, hodi bele hahú obras de reabilitação ne’ebé urgentes iha 2024”. Dehan Primeiru Ministru Jose Alexandre Kayrala Xanana Gusmão, iha nia diskursu, Tersa-feira(18/07/2023)
Governante ne’e reforsa programa ne’ebe prioridade liu mak estrada sira ne’ebe mak liga ba postu administrativus no estrada rurais, alende ne’e mos sei reforsa halo investimentu iha asessu ba bee moos
“Governu deside troços de estradas prioritárias iha fases rua, no sira ne’ebe urgentes liu maka estradas ne’ebe liga ba postos administrativos no estradas rurais, atu depois ba estradas urbanas iha Ainaro, Baucau, Bobonaro, Ermera, Lautém ho Viqueque. Husi sikun seluk, sei reforça investimentu iha acesso ba água potável no ba saneamentu báziku, condições sira ne’e essenciais ba saúde pública no ba qualidade de vida populações nian” Nia haktuir
Governu mós sei kontinua assegura katak população tomak hetan asesu ba eletrisidade, liu husi expansão ba Programa de Eletrificação Nacional. Kona-ba Ataúro, sei realiza estudo de viabilidade, atu bele concretiza plano nebé sustentável ba eletrifikasaun iha ilha Ataúro.
Enkuantu, Wainhira Programa ne’e hetan aprovasaun husi Parlamentu Nasionàl, Guvernu sei implementa Plano de Investimento, Políticas no Reforma Institucional 2023-2030, Nune’e bele kumpri objetivu nebé define ona iha Planu Estratéjiku Dezenvolvimentu (PED) no Objetivu Dezenvolvimentu Sustentável (ODS).
Jornalista: Marcela Mery da Costa