Realiza Serimonia Hand Over, Vise Reitora IPDC Husu Senadu Servi Ho Domin No Responsabilidade
SAPNewsTL,DILI : Iha Ambitu Serimonia Tomada de Posse ba Estrutura Foun Senado Institutu Profisional De Canossa (IPDC) ba ano Lektivu 2023-2024. Vise Reitora IPDC Feliciana Vaz agradese ba Estrutura Senadu Sesante no husu estudante hotu hodi reza atu estrutura foun bele servi ho domin no nakonu ho pasiensia no responsabilidade
Tuir madre Feliciana Vas hateten katak “iha selebrasaun ida ne’e ita reza no agradese ba estudante Senado tuan ne’ebe remata ona sira nia knaar hodi kontinua hikas husi estudante senadu foun liu husi tomada de posse ne’ebe sira simu durante misa eukaristia nia laran, hamutuk ita reza no husu tulun husi interesesaun Sagrado coração de Jesus nian ba estrutura foun Senadu Institutu Profisional de Canossa (IPDC ) ba tinan 2023-2024”. Tenik Vise Reitora IPDC Madre Feliciana Vaz ba SAPNewsTL iha Dili, 16/06/2023
Vise Reitora ne’e fo agradese ba Maromak no husu ba senadu foun atu lidera no servi ho domin hodi nakonu ho pasiensia no nakonu ho responsabilidade ba IPDC
” Agradese ba maromak ohin loron sira simu ona sira nia knaar foun hanesan Senadu, husu ba senadu foun atu hala’o sira nia papel tuir vizaun ho misaun, tenki lidera no servi ho domin, pasiensia ho kreatividade no responsabilidade tomak ba iha Instituto Profisional De Canossa IPDC”. Dehan Vise Reitora Intitutu Profisional de Canossa(IPDC), Madre Feliciana Vas, ba Jornalista SAPNewsTL, Sesta feira(16/06/2023)
Iha fatin hanesan, eis Senadu Simão Inarsio Ximenes, haktuir katak nia orgulhu no agradese ho servisu mak sira ultrapasa ona, ne’ebe mak nakonu ho experiênsia
“Ha’u orgulhu tebes ho servisu ne’ebe mak ami Ultrapasa ona, tanba antes ne’e ha’u seidauk iha esperiensia kona-ba lideransa senadu nian, maibe instituisaun ida ne’e ho Santa Madalena ho santa Jojefina nia hanorin forma ona ha’u sai hanesan lideransa oinsa hatene hakraik an hodi lidera ema ho responsabilidade iha Senado nia laran, maske iha ha’u nia mandatu hasoru dezafiu”Nia dehan
“Ha’u nia mensajem ba senadu foun sira, iha mandatu ida ne’e ha’u fiar katak ho bensaun maromak nian buat hotu bele la’o ho diak hamutuk ho santa madalena, santa jojefina nia harohan daet buat hotu sei lao ho diak to’o remata, husu mos imi hotu atu rona malu, koordena malu ho servisu hamutuk tanba knaar ne’ebe mak fo ona ba ita boot sira fiar katak ita boot sira sei servisu ho fuan domin tomak ba ita nia institutu ida ne’e”.
Entertantu, Xefe Senadu Foun Maio E.D.F.B de Carvalho agradese ba konfiasa tomak ne’ebe mak fo nia.Nia promete sei halo aktividade barak iha ninia mandatu
“Ha’u agradese ba ita nia instituisaun, tanba instituisaun iha mak bele halo ita aprende organizasaun ki’ik ida ne’e, hanesan mos organizasaun Senadu Estudantil Institutu Profisional de Canossa(SEIPCA) nia mos iha instituisaun ida, agradese ba eis senadu ho nia estrutura no mos estudante IPDC tomak ne’ebe mak tau fiar mai ami hodi hala’o knaar ne’ebe mak ami ida-idak iha ne’e ho responsabilidade tomak”.
“Lori ami atu hatene liu tan saida mak lala’ok husi senadu nian, atu ami hamutuk kolabora malu hodi loke atividades ba estudante IPDC Hanesan halo kompetisaun Jogus, desing logo, Taipyng, debate iha tinan 2023-2024”.nia hakotu.
Jornalista: Antonina Lopes da Silva