Rekrutamentu Foun Ba F-FDTL, Komisaun Filtra Hikas Aplikantes Iha Tinan 2021
SAPNewsTL, Dili, 08/07/2022 : Falintil-Forsa Defesa de Timor-Leste (F-FDTL) liu husi Brigadeiru-Reformadu Filomeno da Paixão de Jesus deklara katak rekrutamentu foun ba servisu militar iha tinan ida ne’e hamutuk ema nain atus neen (600).
Tuir Brigadeiru-Reformadu Filomeno da Paixão de Jesus hateten governu liu husi reuniaun Konsellu Ministru ne’ebe hala’o iha dia 04 de Maio 2022 iha Palásiu do Governu aprova ona ba proposta rekrutamento foun iha 2022
“Guvernu aprova no apresenta ho 600 pessoas, 600 pessoas ne’e sei ba komponente no unidade sira hotu, 240 pessoas sei fahe ba komponente naval, 240 pessoas ba terrestre no 120 pessoas ba unidade sira seluk. Rekrutamentu ida ne’e hanesan partes politicas husi VIII governo nian ho efetivu. Uluk ha’u hatete ona 2333 maibe ho difikuldade ita lori deit restu 600 ida ne’e ba iha tinan ida ne’e”. Tenik Brigadeiru-Reformadu Filomeno da Paixão de Jesus iha Komferensia Imprensa, Kuartel Geral Fatuhada, Dili, 08/07/2022
Brigadeiru-Reformadu Filomeno da Paixão de Jesus ne’e akresenta processu rekrutamentu ne’e sei selesiona hikas kandidatu ne’ebe la passa iha tinan 2021
“Tuir proposta mai husi Xefe de Estadu Maijor Jeneral da F-FDTL Tanenti Jeneral Falur Rate Laek atu retifika deit dokumentos husi aplikante sira ne’ebe mak inaptu iha processu de seleksaun 2021 hamutuk 1801 governu konkorda ho proposta de ajenda tanba ne’e reduz ba kustu processu de seleksaun”. Dehan Brigadeiru-reformadu Filomeno da Paixão de Jesus
Entretantu, resultadu rekrutamentu sei ba taka naran ba kada Munisipiu iha semana ne’e.
“Rekrutamentu ne’e la’o tuir Konsellu Estratéjia ne’ebe ita hato’o Sistema de Forsa missões das F-FDTL ho dispositivu foun ne’ebe atraza iha Timor-Plaza tanba ne’e, press para ita tenke fó, kona-ba rekrutamnetu 2022 ne’e la dok husi rekrutamnetu tinan uluk nian, ita haree minimu no maxima mak 18-25 anos”. Nia fundamenta
Kritéria ba aplikante sira maka tenke sidadaun orijinal timorense, sira tenke hetan vasinasaun kontra covid-19 no minimu doze daruak. Kriteria hotu-hotu sira sei haree hafoin taka iha semana oin mai
“Portantu lista ida ne’e ami filtra husi dadus sira mak uluk, formuláriu ne’ebe mak ami rekolla fila fali 1200 ital formulariu, filtra fila fali hodi sai aptu no inaptu ne’e hamutuk 9000 inaptus i 2400 maka passa ba iha aptus, iha tinan kotuk sira ba tuir teste iha Metinaru, felizmente balu tama ona iha forsa armadas balu seluk ne’e maka ita filtra fali hodi bele ba kontinua tama iha filheras forsa armadas iha tinan ida ne’e”. nia afirma
Enkuantu, sira sei la halo foun maibe kontinua ba númerus anterior nian ne’ebe deside ona katak Husi artemarsiais mai halo kompimissiu ba iha organizasaun F-FDTL no husik hotu valores sira ne’ebe mak la konkorente no la hanesan ho F-FDTL hodi kaer los prinsipiu, valores, partikula, kresa ida deit para labele iha problema de implementasaun. Enkuantu se mak la tuir buat ne’ebe halo komprimisia sei hasai.
Journalista :Marcela Mesquita de Jesus Lemos
Editor : João Marito