FOKUPERS Hetan Visita Husi Membru Delegasaun ASEAN
Dili, 08/07/2022 : Delegasaun Associação de Nacões do Sudeste Asiatico(ASEAN) visita FOKUPERS hodi ko’alia saida mak sekretariadu ASEAN bele tulun FOKUPERS liga ba misaun FOKUPERS nian iha area igualdade genero no hapara violensia bazeia ba genero.
Tuir Diretora FOKUPERS Maria Fátima Pereira Guteres hateten visitasaun delegasaun ASEAN ne’e foka liu ba lider sira ne’ebe mak haree ba asuntu sosiais nian no kolaborasaun FOKUPERS ho parte organigasaun sosiedade sivil sira iha ASEAN
“Visita ne’e importante tebes tanba oinsa ita bele fahe ita ninia informasaun ba equipa bo’ot husi ASEAN nian, liu-liu espesifiku ba SOCA Lider sira, SOCA lider ne’e equipa ne’ebe haree ba asunto sosiais nian, FOKUPERS mos hare’e ba sosiais sira entaun ita mos presija fahe ba sira, nune’e oinsa sira bele liga fali organizasaun sosial sivil sira ne’ebe servisu iha Timor-leste inklui FOKUPERS, oinsa atu kria kolaborasaun diak liu iha regional” Dehan Diretora ba Jornalista sira iha edifisu FOKUPERS Farol Dili, 08/07/2022.
Diretora ne’e hatutan servisu entre FOKUPERS ho organigasaun sosiedade sivil sira iha ASEAN halo ho diak maske Timor-Leste seidauk inklui ba Membru ASEAN
“Maske ita seidauk tama iha ba Membru ASEAN maibe ita nia servisu durante ne’e ita halo hela, no kolaborasaun FOKUPERS ninian ho parte organigasaun sosiedade sivil sira iha ASEAN la’o hela, entaun sekretariadu ASEAN regional sira nia visita mai ida ne’e forti liu tan, oinsa atu bele haforsa FOKUPERS ninia relasaun ho organigasaun sira iha parte regional nian”.Nia Subliña.
FOKUPERS ninia misaun mak atu halo kontribuisaun ba desenvolvimento estadu nian iha area igualdade genero no hapara violensia bazea ba genero tanba ne’e secretariado ASEAN pronto atu tulun FOKUPERS
“Sira mos husu saida mak sekretariadu ASEAN bele tulun FOKUPERS liu-liu liga ho misaun FOKUPERS ninian ne’ebe mak iha, hanesan kontribuisaun sosiedade sivil ba desenvolvimento estado ninian liu-liu, iha area igualdade genero no mos hapara violensia bazeia ba genero”.Nia Dehan
Enkuantu, FOKUPERS ho sekretariadu sira liu-liu Governo ASEAN nian ne’e liga ho vitima sira, tanba vitima sira ne’ebe durante ne’e laos husi vitima nasionál doméstika maibe vitima internasionál no regoinal sira
Jornalista : Marcela Mery da Costa
Editor : Sergio Baptista Lelan