RENETIL Konsidera Partidu Sira Forte Iha Ajenda Polítika Maibé Implementasaun Fraku

SAPNewsTL, Dili: Organizasaun Resitência Nacional dos Estudantes de Timor-Leste (RENETIL) hala’o konferensia imprensa relasiona ho preokupasaun publiku kona-ba asuntu saude iha Timor Leste

Tuir Sekretariu Jeral RENTIL Joaquim da Fonseca “Russuo” hateten desde ukun an problema Timor-Leste ne’ebe sempre bolu publiku nia atensaun maka problema iha sistema saude ne’e rasik, la’os tamba ida-idak iha familia ne’ebe maka sempre hasoru malu ho sistema saude ho atendimentu saude no servisu saude nian maibe mos tanba iha tinan hira nia laran ne’e dalabarak liu Timor-Leste haruka ema moras sai ba liur.

“Ida ne’e sai notisia bo’ot, ida ne’e bolu publiku nia atensaun kona-ba sistema saude Iha Timor-Leste Nia laran, tanba fasilidade saude Iha Timor-Leste seidauk iha kapasidade natón atu fo atendimentu ba moras balun ne’ebe kompleksu no komplikadu liu, entaun moras balun tenke haruka hotu ba rai liur atu halo tratamentu, maibe ho kuantidade ho rekursu humanus iha area medisina no area seluk ne’ebe relevante entermus ho sira na kualidade no kuantidade no melloramente iha sistema saude iha buat barak ne’ebe maka ita bele halo rasik Iha Timor-Leste ona”. Dehan Sekretariu Jeral RENETIL Joaquim Fonseca da Fonseca “Russuo” liu husi konferensia imprensa iha sede RENETIL Farol-Dili, 15/01/2023

Sekretariu Jeral RENETIL hatutan partidu sira ne’ebe ikus mai ba konstitui governu ne’e hato’o sira nia ajenda politika ba asuntu saude ne’e forte maibe sira la hala’o.

“Durante partidu sira kampaña RENETIL mos observa hato’o ajenda politika ba area saude nian ne’e forte teb-tebes, ne’ebe iha kampaña sira koalia buat ruma ita hanoin kuandu sira ba Ukun sei halo duni, sira dehan sei dezenvolve area saude ne’ebé inkluzivu ho kualidade, sei dezenvolve seitor saude hadia hospital nasional Guido Valadares no hospital sira seluk iha Munisipiu sira”. Tenik Sekretariu Jeral

“Sekretariu Jeral Joaquim akresenta “Governu konstitusional da-9 mak designa postu ida Vise-Ministru ho knaar espesifiku ho responsabilidade espesifiku atu haree kona-ba operasionalizasaun hospital sira maibe buat ne’ebe ita haree iha area saude ne’e dook teb-tebes husi ita nia espetativa afinal Ministra Saude hahu ho hakaat ida ne’ebe hanesan husi ami nia haree ne’e sobu tiha sistema ne’ebe sira esforsu barak atu harii sistema saude iha Ministerio Saude nia laran”. Joaquim salienta

Sekretariu Joaquim husu ba guvernu atu rekruta saude pesoal ne’ebe kualifikadu hodi kontinua halo atendimentu saude ba publiku.

“Husu ba Guvernu atu foti medida imediatu hodi rekruta pesoal saude ne’ebe kualifikadu atu priense fatin ne’ebe sai mamuk tanba diskontinuasaun kontratu ba profisional saude sira hodi normaliza prosesu atendimentu ba sidadaun sira medida sira ne’e tenke inklui destituisaun ka substituisaun ba ofisial ne’ebe okupa kargu sefia iha diresaun ka instituisaun autonoma sira ne’ebe foin nomea dadauk ne’ebe laiha kualifikasaun atu hala’o sira nia servisu”. Joaquim hatete

Joaquim mos hameno “foti medida urjente hodi sosa aimoruk no bens konsumiveis sira ne’ebe autostop iha Timor Leste labele halo fali ajudu direta ba kompania ne’ebe laiha esperiensia ne’e, revee distribuisaun de tarefas entre sefia ministeriu saude nian no atribui kompetensia lolos ba vise ministru ne’ebe responsabiliza operasionalizasaun ba hospital sira”.Nia dehan

Enkuantu, Primeiru Ministru Interinu Mariano Assanami Sabinomos halo ona avalisaun ba servisu Ministeriu Saúde nian, uha ne’ebe Assanami Sabino afirma nia parte sei apoia Ministra Saúde hodi foti desizaun nesesáriu sira hodi hola aimoruk no rekruta pessoal saude sira hodi garante funsionamentu servisu iha setor saude liliu bele kura no salva ema nia vida.

Jornalista: Jenoveva Sarmento & Marcelina da Conceição