SEKomS Orgullu UNITAL Iha Rádiu & Televizaun, Governu Sei Ajuda
SAPNewsTL,DILI- Sekretario Estado Komunikasaun Sosial(SEKomS), halo vijitasaun ba radio televizaun Universidadde Oriental Timor Lorosa’e(UNIITAL),nian atu hare’e kondisaun no difikuldade tamba UNITAL nu’udar universidade privadu ne’ebe mak iha radio televizaun.
Sekretario Estado Komunikasaun Sosial Expedito Loro Dias hateten UNITAL maske hala’o nia knaar hanesan universidade prepara gerasaun foun ba futuru maibe sira mos la’o sira nia servisu hanesan liu husi Radio no Televisaun
“Hau rona katak iha mos radio televizaun Ida ne’ebe lor-loron iha transmisaun ba publiku ohin ha’u buka atu hatene besik liu tan tanba IX governu konstituisional senti katak informasaun ne’ebe liu husi kanais radio televizaun ho plataforma ho online digital sira ne’e importante iha prosesu dezenvolvementu nasional”.haktuir Sekretario Estado Komunikasaun Sosial (SEKomS) hafoin vijita Radio Televizaun UNITAL,Tersa-feira(16/01/2024)
Governante ne’e sente orgulho ba radio no televizaun UNITAL tanba iha programa ne’ebe ho oioin hanesan siensia, kultura, debat politiku nune’e UNITAL laos foku deit ba siensia maibe bele mos kontribuisaun ba dezenvolvimentu liu husi radio no televizaun
“Ha’u senti orgullu tanba hau la Espera katak aprezentasaun husi radio televizaun UNITAL nian diak tebes ho nia Ideia lor-loron nian mesmu foin hahu maibe nia transmisaun iha oras sanulu resin tolu ho nia programa nigrela ne’ebe iha diskusaun siensia, iha kultura no debate ba mos komunidade partidus politikus sira , ne’e hatudu katak universidade UNITAL hala’o nia servisu no atividade ne’ebe foku ba iha estudante maibe mos fo kontribuisaun ba prosesu dezenvolvementu”nia informa.
UNITAL liliu radio televizaun UNITAL nian ho nia Simbolu RTVU ne’e hatudu duni katak iha duni ispiritu ida ne’ebe forte atu bele dezenvolve UNITAL liu husi informasaun ne’ebe saudavel no kualidade.
“Ohin ha’u reprezenta SEKomS mai hare’e atividade ida ne’e katak Sira iha estudio, fatin aprezentasaun kapas ho ekipamentus ne’ebe bele dehan sufisiente e konserteza sei nafatin iha difikuldade balu ami koalia dadauk iha tempo ruma difikuldade Sira ne’e governu bele hare oinsa bele ajuda”.nia salienta
Enkuantu, Governante ne’e mos halo ona vizita ba radiu komunidade sira seluk iha territoriu nasionál hodi haree sira nia kondisaun inklui apoia ona radiu komunidade sira balun ho transporte hanesan motor no fasilidade hanesan laptop ba sira, nia parte sei kontinua haree hodi apoia radiu komunidade sira ho diak ba futuru.
Jornalista : Genoveva Lopes Sarmento