RENETIL Realiza Diskuzaun Avalia Sistema Saúde Iha Timor-Leste
SAPNews, Dili : Iha Ambitu Selebrasaun Aniversáriu Resistencia Nacional Dos Estudantes De Timor-Leste,(significa RENETIL) hala’o diskuzaun aberta ho tema Sistema Saúde nu’udar instrumentu ba libertasaun Povu hodi Avalia Sistema Saúde Iha Timor-Leste tanba saúde Importante no sai instrumentu ba libertasaun
Tuir Diretor Ezekutivu Centru Nasionàl Chega(CNC), Hugu Maria Fernandes hateten “Ohin CNC ho RENETIL halo parseira ida liliu ba eventu diskuzaun aberta ba asuntu saude nian no diskuzaun ne’e halo iha ambitu aniversariu RENETIL ninian ba tolunulu resin lima (35), Ha’u halo diskuzaun entre ha’u ho Sekretariu Geral RENETIL koalia konaba asuntu importante tebes ba nasaun ida ne’e mak asuntu saúde, Asuntu saúde ita tenke haree, tanba sa mak akontese iha konflitu ida ne’e nia impaktu negativu iha sistema saúde”. Tenik Diretor CNC Hugo Maria Fernandes iha Dili, 20/06/2023
“Ami mos konvida Médiku, Líder Partidu no Akademiku atu partisipa no atu rona mos husi mediku, líder partidu sira nia hanoin kona-ba sistema saúde ne’e oinsa fiar katak diskuzaun aberta ne’e hetan rekomendasaun balun sei hato’o ba governu hadia Sistema Saúde”. Nia dehan
Iha fatin hanesan, Sekretariu Jeral RENETIL Joaquin da Fonseca Reforsa objetivu husi diskuzaun ne’e ko’alia kona-ba asuntu saude tanba saude hanesan asuntu ida ne’ebe importante ba nasaun
“Objetivu ohin bolu ita nia matenek Sira mai, para Koalia kona-ba Saude mai hamutuk halo diskusaun nakloke kona-ba asuntu Ida ne’ebe importante ba rai ne’e nia moris, Saude ne’e asuntu importante ida. Agora ne’e Ita hamutuk hodi tau hanoin liu-liu area Saude, ne’e ema barak depende ba area Saude maibe balun lamenta, tanba iha balun ba moras fila mate ba hospital laiha Esperansa ba nia moris ne’e Tinan naruk tan”,haktuir nia
Enquantu, aktividade ne’e Organiza husi RENETIL,no mos hetan partipante husi Ministériu Saúde, Partidu CNRT, KHUNTO, PD, Estudante Sira no Akademiku Sira
Jornalista: Ermelinda Soares