Sarani Buanomar Simu Grasa Foun, Pe. Tomas Husu Sarani Sira Badinas Ba Missa
SAPNewsTL, Lautem : Hafoin halo Inaugurasaun Kapela Foun Santa Maria Mazarelo Buanomar, iha omilia Amu Paroku Sao Paulo Lospalos Pe. Tomas Gusmao de Carvalho,SDB husu ba sarani Buanomar atu badinas tuir missa hodi rona maromak nia liafuan no moris tuir nia evanjellu.
Amu Vigáriu João Gaspar Pereira,SDB iha nia homilia fo apresiaaun no kongratulasaun ba sarani Buanomar ne’ebé esforsu no badinas nune’e bele hari’i kapela foun ida ne’e.
“Ha’u fo parabéns ba sarani Buanomar tanba tinan naruk esforsu, badinas i servisu maka’as to’o ohin loron ita bele inaugura imi nia kapela ida ne’e, ha’u husu ba imi hotu atu badinas mai missa rona maromak nia liafuan no moris tuir ninia evanjellu”. Dehan Amu Paroku Lospalos Pe. Tomas Gusmao de Carvalho,SDB iha kapela Santa Maria Mazzarello, Buanomar, Sábadu, 27/08/2022.
Iha fatin hanesan Prezidente Komisaun Organizadora, Luis Pinto haktuir, parte komisaun halo preparasaun ba inaugurasaun kapela foun ne’e liu husi prosesu naruk ida maibé sira tenta no akumula ideia hotu-hotu husi igreja no sarani sira nune’e sira deside inaugura kapela refere iha tinan 2022 ne’e.
“Ami komisaun organizadora hamutuk ho Amu Pároku, Katekista, ami tur hamutuk ko’alia, tetu no deside iha dia 27 de Agusto 2022 ida ne’e hakarak ka lakohi atu inaugura maske Amo Bispo laiha mos pelumenus Amu Vigáriu ka Amu Pároku ou Amu Administrador Apostóliku, maibé Amu Pároku deside katak iha Amu Vigáriu iha disponivél atu mai inaugura, nune’e iha fulan Juñu ami deside katak programa inaugurasaun ne’e monu duni iha dia 27 de Agusto 2022”. Dehan Prezidente Komisaun Organizadora ba jornalista SAPNewsTL iha Buanomar-Besimanas,
Xefe Komisaun ne’e akresenta, hanesan komisaun organizadora ne’ebé organiza ba eventu ne’e sente dífisil tanba lori tempu naruk no infrenta buat barak maibé sira konsege inaugura.
“Ha’u sente todan tebes-tebes tanba iha prosesu ne’e lori tempu naruk i defisil tebes-tebes tanba ami hela iha area rurais, difisil tebes atu asesu ba estrada no buat seluk, afeta ami atu fasilita ba konstrusaun ne’e atu remata lalais, depois atu finaliza ba nia inagurasaun ne’e difisil maibe ho boa vontade sarani nian no inan aman sira nune’e ami bele realiza duni loron ohin”. Prezidente Komisaun informa
Luis hatutan tan, iha inaugurasaun kapela foun ne’e hetan kontribuisaun husi sarani Buanomar rasik ne’ebé iha rai liur no iha rai laran no mos husi Aldeia viziñu sira
“Ema ne’ebé kontribui ba realiza inagurasaun ida ne’e, primeira ba ami nia ema sira ne’ebé iha rai liur no rai laran i depois iha rai laran ne’e ami sei fahe ba iha parte Nasional, Munisipal, Lokal Postu, Suku no Aldeia viziñu sira i sira mak kontribui ba material no finanseiru”. Nia hatete
enkuantu, Serimonia inaugurasaun ne’e hetan partisipasaun maksimu husi Autoriedade Munispiu Lautem, Representante husi Doador Internasional sira husi Australia, ONG sira, estudante sira sira husi Eskola Marista Baukau, Sarani sira husi Parokia Maubesi inklui sarani Parokia Luro kuaze atus lima resin
Entretantu, Xefe Komisaun ne’e fundamenta, kapela ne’e hahú harii iha 2017 remata iha 2020, planea atu inaugura iha 2020 maibé tanba infrenta pandemia covid-19 no atu realiza fali iha 2021 maibé tanba Amu Bispo ho Amo Vigáriu nia mate nune’e lakonsege tanba ne’e altera ba iha 2022, konstrusaun kapela refere hetan kontribuisaun maka’as husi sarani Buanomar nune’e bele finaliza.
Jornalista : Absalão da Costa & Marjinha Hornay
Editor : Luis Pailofo