UNPAZ Sei Hametin Kooperasaun Ho Autoriedade Protesaun Sivil
SAPNewsTL, Dili : Universidade Da Paz ( UNPAZ) hetan vizita husi Autoriedade Protesaun Sivil liu husi Komandante Sentru Formasaun Protesaun Sivil, objektivu husi vizita ne’e atu halo kooperasaun ho Universidade da Paz hodi transmite formasaun ba estudante no guarda sira ba futuru.
“Instituisaun Estadu hanesan Protesaun Sivil mai iha fatin ne’e iha hanoin hakrarak halo Kooperasaun ho UNPAZ liuliu iha area formasaun kona- ba ita nia guarda sira, formasaun Kona-ba prevensaun konflitu, inklui iha area lubuk ida ne’ebe mak relasiona ho sira nia Servisu”. Dehan Vice Reitor Assunto Kooperasaun Sr. Luis Pereirra Cardoso ba Jornalista sira iha Edifisiu vice reitor interna no Externa UNPAZ. 17/09
Vise Reitor ne’e konsidera, Kooperasaun ida ne’e importante tebes tanba Guarda sira ne’e mos seida’uk iha Formasaun di’ak ba Sira, entaun liu husi koperasaun ne’e oinsa atu utiliza sira nia Farda sira, fasilidades sira ne’ebe mak sira iha, iha seluk mos oinsa atu bele utiliza hanesan dezastre naturais ruma akontese hanesan bee sa’e, oinsa atu bele fo proteje ba ema sira ne’ebe mak iha Laran,depois oinsa atu bele hetan primeiru Sokorru ba Ema sira ne’ebe mak sai Vitima ba Dezastre sira
“Ita hanesan Universidade, ita senti programa sira ne’e importante tebes mai ita mesmu ke halai liu ba area tekniku ninian, mais ita fo prioridade ba ita nia Estudante sira ne’ebe mak sei hetan Formasaun hanesan Membru Senadu iha Universidade nian sei hetan Formasaun hodi aprende liu tan ba oin”. Nia Sublinha
Vice reitor ne’e mos reforsa, atu realiza ida ne’e sei enkontru hamutuk ho Magnifiku Reitor, Iha Tempu badak hodi informa, depois sei hetan Aprovasaun husi Magnifiku Reitor iha tempu Badak maka sei Asina Nota de intendimentu ho sira, atu nune’e bele implementa lalais programa balun ne’ebe mak mensiona ona
Enkuantu, iha vizita ne’e Vise Reitor UNPAZ no Komandante Sentru Formasaun Protesaun Sivil Urbano Venacio dos Santos, iha ne’ebe ko’alia liu kona-ba koperasaun ba futuru oinsa bele fo formasaun ba guarda sira iha UNPAZ hodi bele fo hatene fo protesaun ba komunidade sira wainhira enfrenta dezastre, insensdus, bee sa’e no seluk tan
Jornalista : Ariqui Colo
Editor : Luis Pailofo