Sta. Maria Mazzarello Sai Mahein Ba Sarani Buanomar
SAPNewsTL, Lautem: Sarani Kapela Buanomar estasaun Cotamuto hili Santa Maria Mazzarello nu’udár Padroeira tanba sira hetan grasa no salvasaun barak husi Santa Maria Mazzarello no sira iha esperansa sei nafatin metin iha fiar hodi buras ba beibeik.
Hafoin inaugurasaun Kapela Foun Santa Maria Mazarelo, Prezidente Komisaun Luis Pinto haktuir sarani Buanomar hili Santa Maria Mazalelo sai hanesan Padroeira ba kapela refere tanba sira hetan grasa no salvasaun barak husi Santa Maria Mazalelo.
“Hahú husi 1999 muda mai iha ne’e, kapela ne’e hari’i tau naran kedas Santa Maria Mazalelo i husi Santa Maria Mazalelo ida ne’e, ami iha salvasaun barak, husi ninia grasa no tulun ida ne’e husi Santa Maria Mazalelo, ho razaun ida ne’e mak ami nafatin hili Santa Maria Mazalelo sai hanesan ami nia padroeira ka ami nia mahein”. Dehan Prezidente Komisaun Organizadora ba inaugurasaun Kapela Foun Luis Pinto ba jornalista SAPNewsTL, iha Buanomar, 27/08/2022
Prezidente Komisaun ne’e akresenta , liu husi Padroeira Santa Maria Mazalelo nia sarani Buanomar hetan grasa no tulun nune’e oan sira bele tama iha vokasaun sai Padre no Madre.
“Realidade ami nia oan sira, ami nia alin sira, iha mos vokasaun, tama mos vokasaun sai padre no madre, atu estuda saida de’it, atu ba kontinua ba universidade ne’ebé de’it sira mos bele”. Nia informa
Nia hatutan hatutan, sarani Buanomar iha ona kapela foun ida ka mahon ida ne’ebé di’ak no nia iha esperansa sei nafatin mantein ninia fiar nu’udár sarani.
“Ha’u nia esperansa ba oin katak sarani tenki mantein iha ninia fiar nu’udár sarani, la’o nafatin maske iha buat hotu difisil maibé tenke la’o nafatin ba oin tuir sira nia fiar, luta ba ita nia fiar, luta ba espiritu matenek hodi garantia estabilidade hodi nune’e asegura nafatin fiar sarani iha rai Buanomar ida atu ne’e labele monu iha dalan klaran, tenki metin ba bei-beik no buras ba nafatin”. Nia hakotu
Jornalista: Absalão da Costa & Marjinha Hornay
Editor: Luis Pailofo