SEI & UNFPA Hakarak Feto Livre Husi Violénsia Bazeia Ba Jéneru

SAPNewsTL, Dili – Mellora kazu violensia bazeia ba jeneru iha Timor-Leste (TL) United Nations Population Fund (sigla inglhes UNFPA) no Asociação Portuguésa de Apoiu a Vítima (sigla Portugués APAV), realiza Workshop, ho tema “Hametin Sistema Rede Referal no Jestaun kaju ba violensia bazeia ba jeneru iha Timor Leste”

Objetivu prinsipal ida ohin realiza Workshop ida ne’e oinsa atu identifika lakuna sira ne’ebe akontese, implika ba kazu sistema Jestaun violensia bazeia ba jeneru iha Timor-Leste hodi hamosu labarik feto balun sai vitima bainhira laiha kontrolu de servisu

Tuir Sekretaria Estadu Igualidade Jeneru, Elvina da Sousa informa, ohin wordshop sektoral ho tema, “Hametin sistema Rede Referal no Jestaun kaju violensia bazeia ba jeneru iha Timor Leste”, oinsa Governu Timor Leste liu servisu hamutuk ho parseiro United Nations Population Fund (sigla inglhes UNFPA) no Asociação Portuguésa de Apoiu a Vítima (sigla Portugués APAV) ne’ebe mai ho misaun ida hare kona ba sistema eleitoral no mos resposta ba vitima violensia bazeia ba jeneru

“Asociação Portuguésa de Apoiu a Vítima (sigla Portugués APAV) nu’udar esperensia tinan naruk hare ba vitima sira no mos fo vizaun no suporta ba vitima sira bainhira sira hetan violensia, sira nia prezensa klaru fo apoio ba ita oinsa dezevolve diak liu tan sistema apoio vitima sira ne’ebe mak iha bazeia ba planu asaun nasional ligadu ba violensia bazeia ba jeneru fo serbisu no sai papel importante iha prevensaun vitima violensia bazeia ba jeneru” Dehan Sekretaria Estado Igualdade Jeneru Elvina da Sousa ba Jornalista iha iha hotel Timor,sexta (19/01/2024)

Sekretaria Estado Igualdade, salienta SEI hamutuk ho linhas ministerias sira hanesan Ministeriu Solidariedade Sosial, Ministra Saude no mos sosiedade civil sira ne’ebe durante ne’e apoiu vitima, oinsa Governu hare legislasaun ne’ebe sei prezisa hadia bele avansa ba alterasaun ho proposta ho lei ruma tanba sei iha lei mak implementa diak maibe prosesu sei la’o atu nune’e bele reforsa serbisu hamutuk ho parseiro sira, Tenik nia.

“Importante mos parseiru sira husi UNFPA apoiu husi (APAV), Ita bele hare dezenvolve diak liu tan hodi bele iha resposta ida ne’ebe adekuadu, tau vitima sentru ne’e intensaun,tanba vitima sira prezisa atensaun no resposta ne’ebe maka diak bainhira sira hasoru violensia bazeia ba jeneru katak SEI halo advokasia ba promosaun atu hatete katak sei halo nia serbisu bazeia ba papel ne’ebe atribui mai ami maibe sempre hatete iha fatin barak katak papel ba iha serbisu ida ne’ebe atu apoiu vitima sira ne’e serbisu husi ministériu ida deit”

Nia hatutan, Prosesu revizaun lei violensia domenstika la’o hela ho apoiu husi entidade sira tomak husi sosiedade civil sira nafatin halo komunikasaun ho parlamento nasional atu halo diskusaun dala ida tan atu halo revizaun lei kontra violensia domenstika.

Entertantu, representante United Nations Population Fund (sigla inglhes UNFPA) iha Timor leste, Presia Arifín Cabo hatete objetivu prinsipal husi wordshop atu identifika lakuna sira ne’ebe eziste Iha sistema jestaun de kazu ou sistema apoiu de vitima, entaun faktu agora hatudu katak Saúde, justisa, servisu sosial, polisia ida-idak hala’o sira nia servisu proteje vitima maibe presija iha kordenasaun ne’ebe diak liu, entre setor hotu-hotu atu asegura nafatin vitima sai sentru ba apoiu sira hotu no vitima nia nesesidade direitu sai sentru ba nia intervensaun hotu-hotu.

“Labarik feto ne’ebe sai vitima ba violensia kompleksu no dalaruma sira lahatene saida maka sira atu halo entaun, dalaruma sira ba polisia sira, ba iha fatin seguru uma mahon sira ne’ebe dalaruma sira hetan apoiu maibe oinsa maka ita bele asegura katak vitima sira ne’e bele hetan informasaun ne’ebe naton, sira bele hatene direitu asesu ba servisu ne’ebe diak, prova katak dalaruma sira iha uma mahon sira ba to’o ne’eba dalaruma ita laiha apoiu médiku ne’ebe diak laiha ligasaun ho sistema saúde”. Nia informa

Representante UNFPA iha Timor-Leste ne’e akresenta, dalaruma vitima sira bele sente apoiu ne’ebe ho lalais fo tempu atu bele prevene isin rua la desejadu ka hamosu moras HIV-SIDA entaun importante atu asegura katak Iha apoiu ne’ebe kontinua, no protesaun ne’ebe kontinua ba vitima sira bainhira sira rekua ba fatin seguru hanesan uma mahon bainhira vitima sente la seguru atu fila uma oinsa maka bele asegura sira hela iha uma mahon ka halo referal ba opsaun servisu sira ne’ebe nesesariu para asegura katak sira seguru hetan protesaun nesesariu Tenik Afirín

Nia hatutan, sei Iha mos mudansa balun Iha lei por ezemplu hanesan kazu asaltu seksual sei konsideradu hanesan kazu violensia domestika entaun presiza Iha atensaun espesial ba kazu asaltu seksual ka abuzu seksual tanba Iha kauza asaltu seksual presiza tratamentu ne’ebe espesial, depois presiza lei ida ne’ebe forte detailu atu regula vitima sira, prevensaun ba vitima atu responde hodi investe makas atu halo prevensaun violensia labele akontese tan iha futuru.

“Ita presiza atu servisu hamutuk ho instituisaun sira seluk depois bele mellora servisu sira para bele fo atensaun didiak ba vitima sira laos vitima deit maibe dalaruma inan Ida hetan sofre violensia nia husu apoiu ba ho nia oan sira entaun nia oan sira mos dalaruma indiretamente esperensia hela violensia ne’e, ita presiza mos atu fo apoiu laos ba nia inan deit maibe ba nia oan sira, tanba iha Timor inan ida Iha oan barak, entaun dalaruma sira ba Iha Uma mahon husu apoiu”.

Jornalista : Ermelinda Soares