SEII Sorumutu Ho GTJ, Linha Ministeriu No Ajénsia Autonóma Sira

SAPNewsTL , Dili: Sekretária Estadu  Igualdade no Inkuzaun akompaña husi Diretora-Jerál Interina SEII,  prezide enkontru ho Grupu Traballu Jéneru, Liña Ministériu, Sekretaria Estadu no Ajénsia Autonóma sira

 “Objektivu husi enkontru ne’e mak atu rona no hatene progresu hirak ne’ebé mak liña ministériu, Sekretaria Estadu no Ajénsia Autonóma sira atinje ona iha polítika Abordajen Integrada Jéneru iha ida-idak nia instituisaun, nune’e mós dezafiu ne’ebé Grupu Traballu Jéneru sira hasoru iha ida-idak nia fatin inklui rekomendasaun no hanoin di’ak sira atu hadi’ak di’ak liután serbisu sira iha fulan hirak tuir mai”.  Dehan Direktora Jeral interna SEII, Maria Filomena Martins ba Jornalista sira iha salaun Delta Nova, Kinta-Feira, 22/09/2022.

Iha fatin hanesan,  Xefe Departamentu Abordajen Integrada Jéneru no Inkluzaun, Hermínio Xavier hala’o mos aprezentasaun kona-ba enkuadramentu legál no polítika sira ne’ebé SEII halo hodi asegura liña ministériu, sekretaria estadu no ajénsia autonómu sira

“Prezidente Grupu Traballu Jéneru no reprezentante GTJ hosi Liña Ministériu, Sekretária Estadu no Ajénsia Autonómu, aprezenta mos kona-ba progresu ne’ebé sira atinje ona hamutuk ho dezafiu ne’ebé sira infrenta no rekomendasaun balun ba iha implementasaun di’ak liu iha futuru”. Nia informa

Entretantu,  Sekretariu Estadu Igualdade no Inkluzaun (SEII), Maria Rosario Fatima Correia hateten, enkontru ne’e bazeia ba rezolusaun Governu Nú. 35/2017 Juñu ne’ebe fo kompeténsia ba liña ministerial sira, orgaun Atonomo, sekretariu estadu no vise sira atu elabora sira nia programa no orsamentu ba asuntu igualdade jeneru no inkluzaun nian.

“Husi rezolusaun refere Papel SEII nian atu hala’o abordajem integrasaun prespektiva jeneru iha dezenvolvimentu  ba politika, estratejia progarama no orsamentu estadu, husi ida ne’e ami idenitfika ona katak iha ministeriu lima mak aplika ona markador jeneru ho sira nia orsamentu no planu rasik ne’ebé halo rampa ba maluk portador difisiensia sira husi minisipiu to’o nasional”. Tenik Maria

Enkuantu, enkontru ne’ebé oraganiza husi SEII ne’e ko’alia kona-ba igualdade jeneru no inkluzaun oinsa feto bele partisipa masimu iha vida politika nian no feto bele okupa kargu sira no fo asistensia ba ema difisiensia sira.

Jornalista: Antonio Tilman

Editor: Aleixo Ximenes