SEJD Foin Apoiu Federasaun 4 Ba Tinan 2022, Proposta Balu Seidauk Tama
SAPNewsTL, DILI : Sekretariu Estadu Juventude Desportu (SEJD) fo apoiu ona ba federasaun taekwondo, atletizmu, Muathay no Kempo halo kampionatu nasional no ezebisaun ba tinan 2022, enkuantu SEJD sei apoia federasaun sira hodi realiza sira nia liga to’o iha baze, bainhira sira submete sira nia proposta tuir baze de planu
“Iha tinan ne’e ita nia federasaun sira ne’ebe hatama proposta ona mai SEJD no ita apoiu finanseiru ona mak Taekwondo no Atletizmu, ita apoiu ona finanseiru ba federasaun muathay halo ezibisaun komemora loron restaurasaun independénsia iha loron 20 fulan maiu 2022, ita nia federasaun kempo mak sei halo kampionatu nasional iha iha loron 25 fulan agostu tinan ne’e”, Diretora Alta Kompetisaun Maria Luiza Monteiro ba jornalista sira iha nia knaar fatin Lecidere, Díli segunda (22/08).
Diretora ne’e fundamenta, federasaun sira ne’ebe seidauk hatama sira nia proposta hodi hala’o sira nia atividade kompetisaun nian mak federasaun boxing, futebol no voleibol ne’ebe federasaun sira ne’e SEJD apoiu haree baze ba planu no rekezitu ne’ebe iha katak fo apoiu ba sira no ba kampionatu sira seluk haree mos ba posibilidade finanseiru ne’ebe parte SEJD iha hodi bele fo apoiu ba federasaun sira hala’o sira nia kampionatu nasional iha tinan ne’e.
Maria hatete, kampionatu nasional ba modalidade individu sira, federesaun voleibol no futebol bolu liga maibe sira nia proposta federasaun futebol seidauk hatama no voleibol nian presiza halo mudansa tanba SEJD hahu jogu iha baze.
“Kampionatu Nasionál ba modalidade individu sira maibe ba federasaun voleibol no futebol ita bolu liga to’o oras ne’e prospota husi federasaun futebol ne’e seidauk submete mai parte SEJD halo verifikasaun hodi apoiu montante hira ba organizasaun ne’e, federasaun voleibol nia proposta tama ona maibe SEJD hakarak voleibol to’o iha baze tanba ita fo formasaun ba treinador no arbitrajen sira iha baze tan ne’e hakarak hahu jogu ne’e iha baze”. Nia Afirma
Enkuantu, Sekretariu Estadu Juventude Desportu (SEJD) liu husi Diretora Nasionál Alta Kompetisaun ne’e garante sei apoia proposta sira hodi fasilita federasaun sira bele organiza liga ba tinan to’o iha baze se sira hatama proposta
Jornalista : Augustu dos Santos
Editor : Ekipa Editorial