SEKOMS Lansa Ofisialmente Mídia Nasionál SAPNewsTL

SAPNewsTL, Dili: Sekretaria Estadu Komunikasaun Sosial (SECOMS) halo lansamentu ba Midia Nasional Sa’ani Assamana Prazer News Timor-Leste (SAPNewsTL) ne’ebe estabele iha loron 26 fulan Fevereiru 2022.

“Ohin ita halo lansamentu ba Midia SAPNewsTL tanba governu apresia no akompaña sira ne’ebe parabens ba SAPNewsTL ho kondisaun laos fasil maibe bele hari’i iha tinan ida nia laran ona ho plataforma dijital hodi fahe informasaun ne’ebe iha era globlizasaun dijital, agora sai primadona hein katak SAPNewsTL bele dezenvolve diak liu iha Timor-Leste bele publika notisia iha lian indonesia, portuges no Ingles laos tetun deit para nasaun hotu bele akompaña sira nia publikasaun”, dehan SECOMS Mericio Juvinal dos Reis “Acara” liu husi diskursu ba jornalista sira iha salaun INAP, I.P Comoro, Dili sesta (24/02/2023).

Sekretariu Estadu hatutan, hein katak SAP NewsTL fo kontribuisaun ba dezenvolvimentu nasional ho nia publikasaun ho kredivel atu nune’e promove nafatin liberdade espresaun iha Timor-Leste hodi hari’i paz ba lee nain sira liuliu Timoroan,  fo informasun tenki impasial ho trasparansia labele hare’e ba kor, rasa no relijiaun hodi eduka povu Timor-Leste ho notisia kredivel sira para muda Timoroan sira hanoin hodi nune’e ema ida labele trata ida seluk.

Mericio informa, governu sente apresia tebes ba media SAPNewsTL ema ne’ebe asesu sira nia informasaun hamutuk ema millaun 3,3 ne’e hatudu katak ema estranjeiru sira mos asesu ona tanba povu Timor-Leste ema hamutuk millaun 1,3 deit maski hari’i husi juventude ne’ebe voluntariu deit ne’ebe hala’o estabelesimentu tuir sira nia kbi’it seidauk iha ema ida ne’ebe tane liman ba sira hodi ajuda sira hanesan fo ekipamentu, maksi sira hetan difikuldade maibe la hamate sira nia esperansa hodi kontribui ba dezenvolvimentu nasional liu husi harii media plataforma dijital ne’e.

Nia informa, sira nia estabelesimentu lori oitavu governu nia naran sei nafatin la’o hamutuk ho sira hodi ajuda sira bainhira sira presiza governu nia tulun tanba governu sei la taka ba juvetude sira ne’ebe iha inisiativa hakarak dezenvolve liberdade espresaun iha Timor-Leste tanba iha 2022 Timor-Leste nia naran morin okupa pozisaun 17 iha mundu ba liberdade espresaun nian hein katak SapNewsTL bele kontribui hodi lori liberdade espresaun halo Timor-Leste nia naran morin liu tan iha mundu.

Enkuantu, Iha Serimonia SEKOMS mos lansa filmajem fraternidade humana ne’ebe produz husi Midia ne’e rasik, Selebra aniversariu dahuluk n fo sasin ba tomada de posse ne’ebe estrutura midia refere halo

Reportajen: Augusto dos Santos