Sofre Difisiénsia Fízika Rezulta Divórsiu, Ekipa PR Tulun Nesesidade Bázika

SAPNewstl, Baucau : Prezidénsia Repúblika kontinua tulun, kbi’it la’ek sira iha área rural, hodi hakma’an sira nia difikuldade. Ekipa Prezidénsia Repúblika, ajuda família vulnerál ida iha Aldeia Boleha, Suku Soba, Postu Administrativu Laga, Munisípiu Baucau

Duarte sofre Asidente Vascular Cerebral(AVC) ka Stroke (iha inglez) iha tinan 2019, hodi halo nia sai difisiénsia no susar atu halo mobilidade.

“Difísiensia fízika ne’e obriga nia kaben atu halo divórsiu, hodi fila ba nia família, no agora dadaun hau hela hamutuk ho nia oan-mane ida no Duarte hela ho oan-mane rua ho feto-ikun ho idade 12” dehan Duarte ba ba Jornalista iha nia Redizensia Laga, Tersa(21/02/2023)

Oan-Mane dahuluk hanesan estudante Ensinu Sekundáriu Tekinomata, daruak deside la eskola hodi tau matan ba família.

“Duarte hela mesak, nia fen divórsiu tambá kondisaun moris. Mézmu kondisaun nune’e, Duarte sempre hetan mos tulun husi nia oan, família viziñu inklui Suku rasik ne’ebé sempre oferese hahan balun”

Haktuir Xefe Suku Soba, Francisca Mónica de Fátima Soares, Durante ne’e, hetan assisténsia maka’as husi nia oan-feto ho idade 12 ne’e. Tau matan ba nia apa nia hahan (tein) no nessesidade seluk ne’ebé nia apa presija

“Nísia duarte nia oan tenke prepara matabixu, ai-han meiu dia no mo kuru bé, molok ba eskola no uza de’it lampra hodi estuda iha tempu kalan, tanba Aldeia Boleha seidauk asesu ba eletresidade” dehan Xefe Suku Soba

Agradese tebes ba apoia ne’ebé mai husi Prezidénsia Repúblika ba nia komunidade vulnerável ne’e. Agradese liu tan, bele mos halo terapia ba nia.

“Apoiu ne’ebé kompostu husi fós, mina te’in, kulxaun no nesesidade bázika seluk, oferese direta husi Asessór Prezidente Repúblika ba Servisu Sosiedade Sívil no Assuntu Sosiál Quintiliano Moníz Carvalho” Nia dehan

Entretantu, ekipa Prezidénsia Repúblika kontinua distribui apoiu ba família vulnerável iha Munisípiu Lautem no Viqueque. Enkuantu, IRA MOR mos halo terapia ba ema ho defisiensia sira iha Postu Administrativu Laga

Jornalista : Vinsensius Saldanha