Prezidente Repúblika Apoia Vítima Inséndiu Iha Lautem
Familia vítima inséndiu hetan apoiu husi Prezidente Repúblika ba Servisu Sosiedade Sívil no Assuntu Sosiál iha Aldeia Bahira, Suku Kakavei, 22/02/2023
SAPNewsTL, Lautem : Prezidente Repúblika, José Ramos-Horta, orienta Asessoria Prezidente Repúblika ba Servisu Sosiedade Sívil no Assuntu Sosiál apoia vítima inséndiu iha Aldeia Bahira, Suku Kakavei, Postu Administrativu Lospalos, Munisípiu Lautem.
Inisidente ne’e akontese kauza husi ahi husi dapur no alastra ba uma tomak no la konsege hamate, tanba vítima hela mesak iha to’os.
“Ami kontente tebes ba ajudu hirak ne’e, obrigadu barak ba Prezidente Repúblika Horta,” Agradese Alina Pereira ho sentimentu kle’an iha nia rezidensia lautem, Kuarta(22/02/2023)
Antes ne’e, vítima hetan apoiu umanitáriu husi autoridade munisipál ho kolaborasaun husi autoridade lokál husi suku Kakavei.
“Prezidénsia Repúblika hanesan ita hotu hatene katak iha tulun ida ne’ebé presija ami, tuir orientasaun husi Xefe Estadu, ami bele apoiu, tuir kbi’it orsamentu, hanesan tinan 2008 liu-ba, iha primeiru Prezidénsia nian, harii uma ba kbi’it laek no ajudu umanitáriu seluk tan,’’ dehan Asessór Prezidente Repúblika ba Servisu Sosiedade Sívil no Assuntu Sosiál Quintiliano Moníz Carvalho
Entretantu, Iha primeiru mandatu Prezidente Repúblika, José Ramos-Horta entre tinan 2008 to’o 2012, Quintiliano Moniz assume Assesór ba Assuntu Sosiál no relata katak, konsege troka uma tali no didin ho kalen no benefisiáriu kontinua uza
Jornalista : Vinsensius Saldanha