Selebra 11⁰ Anos ! Telekomcel Regista Kliente 450.000 & Fo Servisu Ba Ema 240
SAPNewsTL, Dili : Iha ámbitu selebrasaun aniversáriu Telekomcel ba dala 11⁰, Telkomcel realiza serimonia TAIS (Telkomcel Annual International Summit) iha Sektor Teknolozia Telekomunikasaun Digital ho tema inovasaun ba Nasaun.
“Ami nia agradesemntu ba ezistensia Telkomcel ba-dala 11⁰ ho ami nia sentimentu tomak ami hasa’e iha loron “TAIS 2023”, Telkomcel Annual International Summit hodi dezelvove no promove kolaborasaun & involvimentu kona-ba impaktu progresu teknolozia husi rekoperasaun sosia ekonomia.
Tinan ida ne’e ho lema “Inovasaun ba Nasaun” nu’udar komitmentu real iha Telkomcel hodi fo dedikasaun atu kontribui jornada transformasaun dizital Timor-Leste sai nasuan dizital.” Tenik CEO Telkomcel Benedictus Ardiyanto Priyo, iha Salaun Muntiousu GMN Bebora Dili, 30/12/2023
CEO Telkomcel Benedictus Ardiyanto Priyo hatutan, TAIS sai hanesan Plataforma hodi konstrui relasaun ne’ebe signifikativu nomos forma future industria telekomunikasaun no dijitalizasaun iha Timor-Leste nu’udar sentru ba abilidade rekoperasaun dizital, ne’ebe mak iha posibilidade laiha limitasaun.
“Kria parseria ne’ebe fo impaktu konsistensia direita no foti papel prinsipiu hodi kontribui ba progressu nasaun. Inovasaun ba Nasaun, kontribui masimu hodi apoiu Ekonomia Dizital espesial seitor swasta liu husi teknolozia informasi & komunikasau (ICT) ne’ebe mak ikus mai sai impaktu bo’ot ba povu Timor-Leste”.CEO Telekomsel hateten.
Nia hatutan, Komunikasaun Korporativa Telkomcel – TAIS 2023 hamosu solusaun 5G ho servisu internet IoT & Telkomcel ne’ebe kria servisu bazeia ba IoT hodi responde ba nesesidade no fo solusaun ba SmartCity, SmartHome & SmartOffice nomos produto balun.
“Ami nia apresiasaun ba kliente korporativa, TAIS 2023 sei oferese premiu ba kliente lealidade, kliente progressive & kliente admiradu sira, Telkomcel mos hakarak foka mos ba involvimentu ami nia parseru media ne’ebe mak fo ona tempu hodi hasa’e/dezenvolver abilidade media liu husi Kompetisaun Jornalista Hakerek”. Tenik Nia
Entretantu, iha kompetisaun jornalista hakerek Media Suara Timor Lorosa’e (STL News) sai primeiru lugar, Dili Post sai segundu lugar no media mudansa sai terseiru lugar.
Telkomcel mos nafatin komitmentu ho prinsipiu hodi kontribui ba nasaun liu husi atividade social ne’ebe mak durante ne’e hala’o, maka hanesan loke oportunidade servisu ba ema ho defisiente tanba servisu hamutuk no kolaborasaun ho Fundasaun Ahisaun.
Enkuantu, Tuir dadus ne’ebe SAPNews Timor Leste asesu liu husi komunikadu imprensa, CEO Telekomsel informa katak durante tinan 11⁰, Operador Telekomsel regista ona kliente hamutuk 450.000 no Telekomsel ona servisu ba Timor oan hamutuk 240 inklui ema ho defisiensia balun.
Sermonia ne’e partisipa husi Primeiru Ministru Timor-Leste, Kayrala Xanana Gusmão, National Technology Officer Microsoft Indonesia, Mr. Panji Wasaman, dan Chief Executive Officer PT. Telekomunikasi Indonesia Intenrational (TELIN) no Moderador husi Mayfree Syari, presenter CNN Indonesia ho lema “Dijitalizasaun Nasaun hodi Aselera Rendimentu Ekonomia Digital Timor-Leste”.
Iha serimonia ne’e mos hala’o tuir diskusaun inspirativu hodi responde ba oportunidade sira no dezafiu ne’ebe mak iha hodi transmite varios idea sira ne’ebe konstrutivu hodi fo ispiritu kolaborasaun hodi aselera dijitalizasaun ekonomia no fo inovasaun hodi halo dezenvolvimentu nasaun Timor-Leste espesial iha area teknolozia informasi, seitor infrastrutura telekomunikasaun no dijitalizasaun hodi apoiu dezenvolvimentu
Jornalista : Conzita Mota