Sentru Saúde Komoru Rejista Kazu Moras Hamutuk 71.736, Malnutrisaun Atinji 1.45%
SAPNewsT, Dili: Tuir intrevista ne’ebe Jornalista SAPNewsTL halo ho Farmasista Herminia Sarmento iha Sentru Saúde Komoro hateten Sentru Saúde Komoro rezista kazu moras hamutuk tipu sanulu(10) kada fulan husi fulan Janeiru to’o Juñu
Tuir Farmasista Herminia Sarmento informa aimoruk iha Sentru Saúde Comoro iha fulan rua (2) stock hotu mak aimoruk zin, paracetamol no amoxlin, bazeia ba konsulta pedetrin wainhira kazu moras ne’e a’as, stock aimoruk hotu iha semana ida nia laran.
“Iha fulan rua (2) ba kotuk, stock aimoruk hotu mak aimoruk zin ho amocxilin ho xarope ho multivitamin, semana ida stock aimoruk hotu maibe semana oin stock aimoruk iha fali, ne’e bazeia ba iha konsulta pedetrin nian, kuando kazu moras ne’e a’as entaun stock aimoruk hotu kedas iha semana ida nia laran”. Tenik nia iha Sentru Saude Komoru, 08/08/2022
Nia hatutan, wainhira stock aimoruk sira ne’e hotu, sira halo kedas pedidu atu nune’e aimoruk bele iha fila fali hodi fornese pasiente sira
“Stock aimoruk hotu ami halo fila fali pedidu ba munisipiu depois mak husi munisipiu halo pedidu ba iha SAMES mak foin destribui fali mai iha sentru saude, pedidu ne’ebe ami halo la to’o semana tanba agora dadauk sentru saude uja ona tableta MCPLAY, ami halo pedidu dader loraik sira tula kedas stock aimoruk mai iha sentru saude”. Dehan nia
Entretantu, Tuir dadus kazu moras oin sanulu ne’ebe sentru saude komoru, moras Inf. respiratoriu husi fulan janeiru to’o fulan juñu hamutuk 42,895 nia porsentu 59,80%, moras kulit hamtuk 6.773, porsentu 9.44%, diareia 7.752 pursentu 10.81%, hipertensi 3.512 pursentu 4.90%, asidenti 3795 porsentu 5.29%, Pneumonia 3904 pursentu 5.44%, STis 1.035 pursentu 1.44%, konjuntivitis 852 pursentu 1.19%, malnutrisaun 1.038 pursentu 1.45%, TBC 180 pursentu 0.25%,
Enkuantu, total kazu hamutuk 71.736, total konsultasaun 30.515, Partus 223, vizita emergénsia 4.535, numero vizitantes 47.564 durante fulan neen iha sentru saúde komoru.
Jornalista : Pascoela Da Conceição & Antonio Altamirando
Editor : Ekipa Editorial