Sertifika Jornalista Destakadu, SEJD Konsidera Papel Mídia Importante Iha Dezenvolvimentu
SAPNewsTL,DILI- Sekretáriu Estadu Joventude Desportu (SEJD) realiza serimonia apresiasaun hodi agradese no kongratula ba média no Jornalista destakadu sira ne’ebé serbisu hamutuk ho SEJD iha mandatu oitavu Governu Konstitusionál.
“Dala uluk hakarak agradese ba maluk Jornalista no media nain sira ne’ebe mak destaka nia emar mai servisu makas iha mantadu oitavu guvernu nian, hodi hatutan lian desportiva sira nian no programa informasaun politika sira ne’ebe mak estadu iha ba ita nia rai” dehan Sekretáriu Estadu Joventude Desportu (SEJD sigla Portugés) Abrão Nokosiku Saldanha, ba Jornalista sira iha, Salaun Magna SEJD, Sexta (09/06/2023)
Nia salienta, “Ohin SEJD organiza eventu ida ne’e hodi agradese, apresia no dezeju ba jornalista sira nia servisu, nafatin ba sira hodi susesu iha kareira no servisu. Media sira nia papel iha dezenvolvimentu nasional, husi ne’e mak bele lori interesadu nia preokupasaun no politika nain sira nia desijaun, hodi bele hasoru malu liu husi komunikasaun”
“Enkoraja media nain sira, atu dezenvolve rai doben Timor-Leste fator importante ida mak media sira promove propagasaun marketing ne’e, tamba marketing hanesan papel krusial ba media, hau nia sujestaun ba media sira atu explora parte ne’e hodi oinsa mak bele dezenvolve diak liu kapasidade iha parte publikasaun ba desportu ninian, bele mos sai fontes rendementu ida ba media sira hodi nune’e bele kria ekosistema ida entre media ho dezenvolvementu media ne’e rasik”
Enkuantu atu kapasita no promove liutan papel jornalista iha area desportu, membru oitavu Governu Konstitusional ne’e husik hela mensajen ba jornalista destakadu sira. Tenki hanoin kriativu edukativu trasparansia hodi eleva diak liu tan imi nia kapasidade atu provome Timor-Leste liu husi kanal desportu ba mundu.
Jornalista : Marcela Mery da Costa