Klubu 82 Sei Konkore Iha Torneiu Futsal BNCTL Cup 2023
SAPNewsTL, DILI : Klubu Futsal hamutuk 82 kompostu hosi ekipa Feto 36 no mane 46 hosi instituisaun Estadu no Privadu sira ne’ebe mak parseiru ho Banku Nasional Timor Leste (BNCTL) sei konkore no harame Torneu Futsal BNCTL Cup 2023 ne’ebe mak organiza hosi Juventude Hadomi Despotu (JHD).
“Objetivu jeral hosi atividade ida ne’e atu selebra aniversariu BNCTL, tanba ida ne’e mak BNCTL ne’ebe mak fo nia konfiansa mai ami grupu Joventude Hadomi Despotu (JHD)”Dehan Vise kordenador Joventude Hadomi Despotu JHD Natalino do Rosario Marques ba jornalista iha Xanana Sport Center Formoza Dili,kinta(08/06/2023)
objektivu seluk mak oinsa atu halo animasaun ba nivel funsionariu hotu-hotu ne’ebe mak servisu iha instituisaun estadu no privadu importante liu funsionariu hotu kria relasaun diak
“Entre ajente estadu sira kria relasaun diak no anima mos komunidade ne’ebe mak persija tebes animasaun liu liu Despotu” Nia tenik
Enkuantu, Jogu ne’e rasik sei abertura iha loron 10 fulan Junhu tinan ne’e no utiliza kampu futsal bebora. Purtantu husi jogu ne’e ekipa feto hamutuk 36,mane 46 fundus ba kompetisaun ne’e mai husi BNCTL
Jornalista: Marcela Mery da Costa