Servisu Iha Rai-Liur, SEFOPE Interinu : Hatudu Dixiplina & Produtividade Servisu

SAPNewsTL, Dili: Sekretariu Estadu Formasaun Profissional no Empregu (SEFOPE) interinu no atual Sekretáriu Estadu Dezenvolvimentu Lokal (SEDL), Mateus W. do Santos Tallo partisipa seremónia asina deklarasaun entre família traballadór no governu Timor-Leste

Trabalhador Timor oan ne’ebé atu ba serbisu iha Australia hamutuk 86 kompostu husi feto 20 mane 66.

“Ita nia traballadór nain-86 atu ba servisu tenke hatudu dixiplina iha servisu no lalika koko hodi sai husi sistema nia-laran, selae susar ruma iha Timor la iha possibilidade traballadór sira atu mai,”

“Liu husi SEFOPE ne’ebe fo oportunidade ba serbisu iha rai liur, Timoroan iha Australia tinan 10 resin hamutuk 11 mil resin, IX governu sei serbisu makaas para atu buka nasaun vizinu sira hodi simu nafatin ita nia joven ba serbisu”, tenik Sekretáriu Estadu Formasaun Profissional no Empregu (SEFOPE) interinu, Mateus Wilfredos dos Santos Tallo ba Jornalista sira iha Salaun Timor Lodge,29/09/2023

Sekretáriu Estadu Interinu ne’e hatutan, traballadór sira mak ba servisu iha rai-liur, oinsa atu hatama osan mai rai-laran liu husi familia, hodi hadi’a ekonomia familia, entaun sira sai hanesan eroi ba rai ida-ne’e.

Tan ne’e nia husu ba traballador atu hatudu produtividade iha oras servisu, tanba traballador simu salariu tuir oras, entaun kompania mos ezije traballadór sira-nia produtividade, sira buka oportunidade laos deit ba buka serbisu tenporariu maibe depois atu bele hadia investe mos sira nia skill ka abilidade.

Traballador sira ne’e sei aranka ba Australia iha segunda ba oin, sira nia kontratu bazeia ba tekniku sira fulan sia to’o tinan tolu.

Mateus salienta, trabalhador tenki respeitu kultura iha ema nia rai, adidu sira iha Australia atu serbisu makaas, nune’e traballador sira labele sees husi sistema lae sei basa reinto’os.

Governu haruka sira tan ne’e tenki kumpri regulamentu estadu nain rua ne’e halo, ba inan aman sira nafatin fo apoiu moral ba nia oan sira ba serbisu iha ema nia rai mai hadia moris familia nian, nafatin reza ba sira atu nune’e sira fila mai ho kondisaun diak.

Nia rekomenda, ba trabalhador sira katak susesu ba familia hein hela sira nia susesu, sai mos hanesan ema importante ida ba Timor-Leste nia dezenvolvimentu, ba ho susesu fila ho susesu tanba sira sai hanesan eroi ba dezenvolvimentu

Iha fatin hanesan, trabalhador Jose da Silva hatete,nia husu obrigadu ba SEFOPE no agradese ba nia familia durante akompaña nia tuir prosesu to’o ohin

Enkuantu, Traballador hirak ne’e sei aranka ba Australia hahu iha loron Segunda-Feira, 1 Fulan Outubru ba oin

Jornalista : Ermelinda Soares