Sidadaun Diak Sempre Hakbesik An Ba Maromak, Sarani Lurumata Hala’o Proseisaun

SAPNewsTL, Dili : Fulan Maiu nu’udar fulan Rosariu, fulan nain feto nian iha fulan ida ne’e mos selebra loron padroeira mahein parokia aimutin, Parokianu sira senti haksolok tanba kada tinan selebra aniversariu parokia ninia nomos hetan visitasaun husi Nain feto no Aman São Jose iha Kapela Nossa Senhora do Carmo Lurumata.

“Prosesaun haleu bairo hodi visita sarani lurumataa ne’e, nia objektivu atu hametin fiar sarani ida-idak ninian liu husi devokasaun ba nain feto” dehan Xefe Organizador Kapela Lurumata Adelino Oki ba jornalista sapnewstl iha kapela Lurumata, domingu (7/05/2023)

Xefe Organizador Kapela Lurumata ne’e hatutan, “Iha sexta simu husi estasaun tuti mai iha lurumata, kuase loron tolu(3) no mos mai iha ne’e laos deit reza tersu, maibe iha mos formasaun ne’ebe preside husi amu sira iha parokia aimutin no selebra mos missa” Nia tenik

Nia Hateten, Procesaun ida ne’e laos foin mak hala’o maibe kada tinan sempre halo, hodi fanun Sarani sira oinsa belê Moris Tuir Maromak Nia Ukun no Bandu

“Ohin Hala’o Prosesaun haleu bairo lurumata ida ne’e programa kapela ninian, tanba aban loron ikus atu entrega ba pantai kelapa 2, tuir orariu ne’ebe mak prepara tiha ona husi parokia, nune ohin loron ne’e halao procesaun haleu bairo lurumata no Hala’o visitasaun ba grupu orasaun ida to’o sanulu”. Nia dehan

Entretantu, Proseisaun ne’e hetan Partisipasaun maximu husi sarani sira iha Bairo Lurumata, Estrutura Kapela, Grupu Orasaun husi ida to’o sanulu, Grupu Kategorial ne’ebe hamahan an iha kapela ida ne’e.

“Menssagem ba sarani sira iha bairo Lurumata no joven sira katak joven ne’ebe mak diak nafatin tau konfiansa ba maromak tanba buat hotu-hotu sei sai diak se bainhira la’o hamutuk ho maromak” Nia hakotu

Jornalista: Marcela Lemos