Dada Bee Moos Ba Komunidade Letefoho, BTL Asina Akordu Ho Kompanha Marlvi
SAPNewsTL, DILI: Asina akordu entre Bee Timor-Leste Empreza Publika(BTL,EP) ho kompanha Marlvi ne’ebe mak manan nain ba implementasaun projetu konstrusaun sistema Bee moos ba komunidade Postu Administrativu Letefoho Munisipiu Ermera
Tuir Presidente Ezekutivu BTL,EL Carlos Peloi dos Reis hateten katak asina akodu ho kompanha manan nain ba konstrusaun Bee mos ne’e hodi kompanha bele mobiliza ona equipamentu tekniku sira para hahu hala’o servisu
“Ohin Loron ita asina kontratu kompanha ida parseiru ida sira bele konese servisu melhoramentu sistema bee moos iha Kapital Postu Letefoho nian, ba suku tolu hanesan Dokurai, Katrai-kraik no Aufuu ne’ebe sira espera katak,ohin ita asina kontratu ho kompana Marlvi sira bele moviliza ona sira nia equipamentus teknikus sira bele servisu lais” Dehan Prezidenti Ezekutivo (BTL,EP),Carlos Peloi Dos Reis ba Jornalista sira, iha Salaun Enkontru Edifisiu central BTL,EP Caicoli (08/05/2023).
Tenik nia katak autoridade lokal sira bele apoiu kompanha hodi nune’e hafasil kompanha servisu tuir kontratu ne’ebe mak iha
“Servisu ida ne’e sei lori tempu kuaze fulan neen espera sira servisu tempu ne’ebe ita konkorda ona iha kontratu laran, ha’u espera ita nia autoridade lokal sira liu-liu chefe do postu no chefe suco sira apoiu kompanha Bee Timor-leste,ita rezolve problema sosial sira. Ba Postu Letefoho ninia kuaze 1.45 milhoes maibe projetu ida ohin ita asina ne’e kuaze Oitusentus oitenta e tal mil, tanba ita sei iha rua tan liu-liu iha instalasaun tanki rezervatorio no kanalizasaun distribuisaun ninan” Nia Dehan
Iha fatin hanesan, Director Kompana Marlvi, Delio dos Santos Martins fo agradesementu ba BTL tanba fo konfiansa hodi dada bee mos ba komunidade
“Agradese ba tebes ba BTL nian ne’ebe fo fiar mai ami, ami kompana sei halo tuir buat ne’ebe mak kontratu fulan neen, kompana sei garantia sei hola sasan sira ne’ebe kualidade no espesifikasaun husi BTL fo mai realiza buat sira ne’e ho di’ak no kualidade, garantia projetu ne’e sei finaliza iha tinan ida ne’e nia laran”.Informa nia
Aleinde ne’e mos, Autoridade Dururai Posto Letefoho Rafael Soares Maia hatutan, nia agradese ba BTL tanba asina ona kontratu ho kompanha hodi halo kontrusaun Bee ba komunidade Letefoho
“Agradese ba BTL ba to’o Munisipu Ermera, agradese tebes tanba proposta ne’ebe mak liga husi bee BTL nian, Agradese tebes tanba bee ne’e distansia ne’ebe dok husi suku tolu Dokurai, Katrai-kraik no Aufuu, ohin komprimete ho BTL aban bele koopera hamutuk ho komunidade ezekuta iha ami nia suku”Afirma nia
Entertantu, projetu ne’e halo de’it ba hadia tanki Bee ulun no BPT hamutuk 12 ho tanki distribuisaun kuaze hamutuk 11,inklui distansia kanalizasaun kuaze 17.5 kilomentrus
Jornalista : Esmeralda da Silva