PD Prontu Fo Kréditu Ba Traballador Sira, Estadu Sei Kria Servisu Iha Rai-Laran no Rai-Liur
SAPNewsTL, Aileu : Presidente Partidu Demokrátiku (PD) Mariano Assanami Sabino tatoli lia hirak ne’e, wainhira hala’o komísiu iha Munisipiu Aileu Villa, Presidente PD Mariano Assanami sabino hatete PD sei fo kréditu ba joven sira ne’ebe iha kreatividade no kapasidade ba sosial no teknolojia
“PD iha programa furak ba joven sira, ita hakarak halo kréditu ba joven sira ne’ebe hakarak eskola, joven sira ne’ebe hakarak servisu iha rai-liur, ita harak kria servisu iha rai-laran no rai-liur, ita la aseita Timor oan sai oan kiak iha rai-liur, estadu tenki proteje sidadaun hotu”. Tenik Presidente PD Mariano Assanami Sabino liu husi diskursu, Iha Aileu Villa, 09/05/2023
PD mos iha programa kréditu ba joven sira ne’ebe iha kapasidade, kreatividade no talentu sira hanesan tiktok, facebookers, youtubers, joven sira ne’ebe hakarak sai emprezáriu, sira bele hetan kréditu
“PD mos iha programa kréditu ba joven sira ne’ebe iha kapasidade, kreatividade, talentu, desportivu, bele halo filme, halo tiktok, halo kréditu ba joven sira ne’ebe hakarak loke emprezariu, ita mos sei halo esforsu hodi registu Timor Leste sai membru google, nune’e bele hetan osan husi google, wainhira ema haree produtu sira ne’ebe ita publika”. Dehan Assanami
Assanami mos hatutan PD sei desenvolve setor kooperativa hodi sosa produtu sira ne’ebe komunidade produs, nune’e bele fasilita ema hotu bele hetan osan, iha parte seluk PD mos sei halo uma dignu ba povu atu povu bele goza ninia moris, rezolve mos problema Professor voluntáriu no kontratadu sira ba permanente tanba sira halo servisu permanente
Jornalista : Ferderita Miranda