Sorumutu Entre UNFPA & Vise PM, Hakarak Hadia Povu Nia Moris Husi Aldeia
SAPNewsTL,Dili:Representante United Nations Population Fund (UNFPA) realiza enkontru ho Vise Primeiru Ministru, Ministru Kordenador Assuntu Sosiais, Ministru Dezenvolvimetu Rural no Habitasaun Komunitariu (VPM-MKASDRHK) Mariano Assanami Sabino, objetivu husi sorumutu ne’e atu servisu hamutuk hodi hadia Mortalidade Inan isin rua sira, Labarik no juventude sira ne’ebe oinsa bele dezenvolve husi suku to’o aldeia sira
Sorumutu entre parte rua ne’e ko’alia liu kona-ba assuntu kritiku sira oinsa atu reduz no rezolve kazu maternidade inan sira nian husi 95% ba 70%, liga mos ho assuntu bazeia ba jeneru, kazu joventude sira nian no oinsa atu halo investimentu ba juventude sira nia dezenvolvimentu
“Tuir dadus ne’ebe ami halo ho 21.5% husi idade 15-24 liu husi 36 mill ne’ebe mak lahatene hakerek kada tinan iha 18 mill juventude presiza empregu no kada tinan iha ida mak ita atu assegura asebilidade ba inan sira ba pessoal saude sira ne’ebe mak bele fornese servisu ne’ebe ho kualidade,”Tehnik Reprezentante UNFPA Sr.Pressia Arifin ba jornalista sira, hafoin hala’o sorumutu ho Vise Primeiru Ministru iha Palasiu Guvernu, 04/08/2023.
Iha fatin hanesan, Segundu Vise Primeiru Ministru Mariano Assanami Sabino hateten enkontru ho reprezentante UNFPA ne’e atu organiza, estabelese no kordena hamutuk Ministro kordenador Assunto sosiais ne’ebe mak foka liu ba labarik, joven no inan isin rua sira, tanba labarik no joven sira mak futuru ba nasaun, nune’e oinsa investe iha sira nia dezenvolvimentu
“Ita uza hela orsamentu husi minarai nian hanesan mos direito sira nian, ita mos impresta ona osan kuaze besik ona 1 billaun, ita uza ona 300 millhoes osan hirak ne’e impresta atu estabelese bee mos no estrada lubuk ida, orienta oinsa mak atu vital ba jerasaun foun iha setor saude no edukasaun, tanba foinsa’e sira mak futuru nasaun nian”.Nia subliha
Governante ne’e fundamenta, “Ema tenki iha saude diak hodi moris ho saudavel, Instituisaun hotu atu iha konsiensia hodi investe iha rekursu umanu, tanba rai barak mak oras ne’e la iha rekursu naturais maibe sira iha rekursus humano hodi lori nasaun ba oin, ita iha rekursu naturais hodi uza”.
Ba Ministru Dezenvolvimentu Rural no Abitasaun Komunitaria konsidera, Edukasaun, Saude, turizmu, ekonomia no Infraestrutura importante tebes ba komunidade sira iha area rural, iha habitasaun komunitariu atu oinsa mak haree saude iha area rurais sira liliu klinika no pessoal saude sira, mediku no parteira ne’ebe mak pratika iha rurais ho kondisaun diak
“Ita mos tenki tau atensaun iha area rurais, nune’e ita bele hadia husi rurais mai to’o Munisipiu sira tanba komunidade sira areas rurais seidauk senti dezenvolvimentu durante ukun rasik iha iha tinan 20 nian laran, ho ida ne’e mak ita hakarak atu hadia no iha ona dadus lubuk ida mak iha ona no atu ba haree no hadia ba futuru,”hatete Vise PM Assanami Sabino
Ministeriu Kordenador Assunto Dezenvolvimento Rural sei tau ema hodi bele tau matan ba dezenvolvimentu integradu iha rurais liu liu iha nivel suku no aldeia, programa hotu sei la’o, wainhira kontribuisaun husi ema hotu mak sei lori ita nia nasaun ba oin, tan ne’e nia parte husu ba suku no aldeia atu identifika saida mak ita iha no potensia saida mak iha hodi dezenvolbe ba futuru, maske nune’e maibe sosiedade tenki hamoris espiritu badinas sira hotu iha suku no aldeia
Reportazen Lidia Amaral