Audiénsia Ho PR Horta, Negosiante Lesidere Afirma Sei La Hamamuk Fatin

SAPNewsTL,Dili: Seidauk iha solusaun atu rezolve problema husi negosiante sira iha Largo Lesidere, Prezidente Republika Jose Manuel Ramos Horta hateten negosiante sira mantein nafatin iha jardin largo lesidere tanba dadauk ne’e seudauk iha fatin ne’ebe dignu hodi muda sira

Negosiante sira sei la aseita bainhira Autoridade Munisipiu Dili hasai negosiante sira husi Largo Lesidere no sira sei hein bainhira mak iha solusaun hodi hasai negosiante largo lesidere ba fali iha fatin ne’ebe mak prepara ona, enkuantu seidaun iha fatin ba sira mak negosiante sira sei la sai husi jardin largo lesidere.

“Ami lamenta ho atetude husi Autoridade Munisipiu Dili ne’ebe mak la diak, tan deit ami povu kiik antes loron 18 fulan julho 2023 mai ameasa ho Seguransa, antes tama ba loron 01 ou 02 fulan Agostu negosiante sira hamamuk ona fatin largo Lesidere, se negosiante sira la sai mak sira sei mai ho seguransa F-FDTL sira hodi aruma sira nia sasan,” Dehan Portavoz negosiante Emilia do Rossario Pereira ba jornalista sira iha Palasiu Presidencial, 04/08/2023

Negosiante ne’e akresenta, seidauk iha fatin atu muda negosiante sira, hanesan povu lakoi atu sai fali bainaka ba nia rain rasik, tana ne’e governu tenki iha ona solusaun mak bele hasai ba fatin ne’ebe dignu

“Seidauk iha fatin dignu, ami sei la sai, hanesan povu ami lakohi sai bainaka, Antes iha loron 01 & 02 fulan agostu Presidenti Autoridade Munisipiu Dili promete hodi halo audensia ho negosiante largo lesidere hodi haruka ba hari’i estrutura iha largo lesidere hamutuk ema nain ne’en hodi enkontru hamutuk maibe enkontru refere la akontese, ami husu guvernu tenki kria fatin dignu molok hasai ami”. nia husu

Entretantu, antes ne’e Autoriedade Munisipiu Dili alerta ba negosiante sira iha Largo Lesidere hodi hamamuk fatin refere, maibe negosiante sira lakosi sai tanba guvernu seidauk prepara fatin dignu ba sira, nune’e sira hasoru malu ho Presidente Republika hodi toma atensaun ba sira nia preokupasaun ne’e

Presidente republika mos fo ona atensaun ba Autoriedade Munisipiu Dili inklui seguransa sira hodi labele duni no hasai negosiante sira iha Largo Lesidere tanba seidauk iha fatin diak ba sira hodi hala’o sira nia atividade negosiu, maibe guvernu presiza halo dialogu ho negosiante sira molok tomak desizaun ba sira nia preokupasaun refere

Reportazen : Ermelinda Soares & Zenoveva Lopes