PR Horta Sei Sai Orador Iha Diálogu Demokrasia “Jakarta Post” Indonésia
SAPNewsTL, Dili : Ohin Prezidente Repúblika Demokrátika Timor-Leste, Laureadu Nobel Pás, Jose Ramos-Horta, halo vizita servisu privadu nian ba Jakarta, iha loron 5 Agostu to’o 8 Agostu.
Iha Vizita ne’e, Prezidente Repúblika sei sai oradór-bainaka iha Diálogu Demokrasia “Jakarta Post” iha loron 7 Agostu 2023, hanesan parte hosi komemorasaun Aniversáriu da-40 hosi “Jakarta Post”.
“Jakarta Post” sai ona nu’udar defensór ne’ebé metin kona-ba liberdade imprensa iha Indonézia inklui nasaun seluk.
“Diálogu Demokrasia” sei foka ba ambiente demokrasia iha Sudeste Aziátiku, ne’ebé kobre kestaun sira ba dezenvolvimentu ekonómiku no papél liberdade imprensa hodi mantein demokrasia iha Rejiaun Sudueste Aziátiku
Prezidente Timor-Leste no Laureadu Nobel Pás, José Ramos-Horta, sei partilla ninia esforsu rasik hodi hametin demokrasia iha Timor-Leste no nasaun seluk.
Timor-Leste país joven ida maibé moris buras entre país Ázia-Pasífiku hodi alkansa topu- sanulu índise liberdade imprensa mundiál iha 2023 no sai númeru 1 iha Assosiasaun Sudueste Aziátiku (ASEAN)
Jornalista : Domingos Ferreira