Sorumutu Ho PR Horta, Assanami : PD & CNRT Sei Diskute Programa No Organograma

SAPNewsTL, Dili : Hafoin Sorumutu Ho Presidente Repúblika José Ramos Horta Iha Palasiu Presidensial Nicolau Lobato Ai-Tarak Laran, Presidente Partidu Demokrátiku (PD) Mariano Assanami Sabino haktuir Objetivu husi audiênsia ne’e hodi Komfirma kalendáriu no Komfirma PD hó CNRT ninia lala’ok ba Formasaun Guvernu Dasia

“Ohin Ami Mai Hasoru Presidente da Repúblika, Nia (PR) mak Konvida ami mai hodi komfirma kalendáriu no lala’ok PD no CNRT ba oin, ohin Ami Mai keta-ketak Maibe mai Tan Partidu rua sei mai Hamutuk”. Tenik Presidente PD Mariano Assanami Sabino ba Jornalista Sira liu husi Intervista iha Palasiu Presidensial Aitarak-laran, 07/06/2023

Líder PD ne’e hatutan, Normalmente Partidu Rua (PD & CNRT) sei Koalia hamutuk Programa ne’ebé Ko’alia iha Kampanha, Hafoin sei koalia organograma guvernu nian Ne’ebe sei Hili ema Ne’ebe mak atu Tama no Hala’o Servisu ne’e

“Normalmente PD hó CNRT Sei Diskute no koalia Hamutuk programa ne’ebé Ko’alia iha Kampanha, Depois Sei koalia kona-ba organograma guvernu nian, hafoin sei hili ema ne’ebe Mak atu Tama ba hala’o servisu ne’e”. Dehan Assanami

Antes ne’e, iha Oras dader Prezidente Partidu Congresso Nacionál Reconstrução de Timor (CNRT) Kayrala Xanana Gusmão ho Estrutura Hasoru Malu ona ho Presidente Repúblika José Ramos Horta hodi Ko’alia Kona Ba kalendáriu

Entretantu, Primeiru Reuniaun Sexta Legislatura sei akontese konta husi loron validasaun rezultadu Eleisaun husi Tribunal de Rekursu, Hafoin loron Sanulu Resin Lima (15) Mak realiza primeira reuniaun, hili Presidente Parlamentu Nasional no hakat ba Formasaun Guvernu Dasia, Portantu, Possibilidade Primeira Reuniaun Sexta Legislatura sei akontese iha loron 22 Fulan Junhu

Jornalista: Lídia Amaral