MCC Sei Apoia Milliaun 484 USD Ba Edukasaun No Bee Moos Ne’ebe Asina Husi VIII Guvernu

SAPNewsTL,DILI- Forum Organizasaun Naun Governamental Timor-Leste(sigla husi FONGTIL), hala’o reuniaun hamutuk ho organizasaun nasional no internasional sira hodi koalia kona-ba asuntu saude no edukasaun ne’ebe mak sei implementa husi Millennium Challenge Corporation(MCC).

Tuir Diretor FONGTIL Valentim Da Costa hateten FONGTIL sira konvida MCC hodi partilha sira nia misaun ba projetu rua ne’ebe mak sei implementa kona-ba edukasaun no Bee mos

“Ohin Forum NGO Timor-Leste hakarak konvida equipa ida mai husu MCC para fahe ho ami oinsa mak sira bele hala’o sira nia misaun, tanba iha fulan julhu tinan kotuk liu ba ita nia governu asina ona kontratu ho estadu unidos,liu husi MCC (Milenion challenge coperation) ne’ebe asina osan ho montante milliaun atus haat walunu resin haat (484.000.000,00), ne’ebe sei aloka ba iha Bee mos no edukasaun” Dehan Diretor FONGTIL Valentim Da costa,ba Jornalista sira iha salaun FONGTIL,Quarta-feira(07/06/2023)

Nia haktuir katak FONGTIL hanesan rede ne’ebe mak hare ba servisu iha setor edukasaun no infraestrutura tanba ne’e konvida MCC no parte organizasaun nasional no internasional ne’ebe mak sei implementa progetu infraestrutura hodi bele hala’o servisu ba nasaun Timor

“FONGTIL hakarak rona,tanba nu’udar sosiedade sivil tenke hola parte iha ne’e tanba sira halo investimentu ba ita nia rai entaun ami hakarak halo ida ne’ebe para ajuda ami nia servisu advokasia,Ohin ne’e foka liu ba setor edukasaun, Be’e no saneamentu entaun ami nia representante mai husi edukasaun ninian no rede ba plataforma Be’e no saneamentu higene Timor-Leste iha ne’e maibe ami nia rede tau matan ba dezastre naturais mos iha ne’e, hodi akompanha para oinsa hele hetan informasaun”Dehan nia

Nia sublina progetu ne’ebe mak sei implementa foka liu ba munisipiu ha’at, no progetu bo’ot ne’ebe mak sira implementa mak oinsa halo purifikasaun ba Bee foer ba Bee mos

“Progetu ne’e sei foka ba iha munisipiu ha’at, besik kapital Dili no sira sei investe, mas sira nia investimentu bo’ot ida mak halo purifikasaun Be’e foer sira husi valeta sira,ne’ebe sira define area Benonuk mak sai sentru ba taratamentu Be’e foer ne’e hatudu katak ita sei iha sistema foun ida ne’ebe halo ba tratamentu Be’e foer sira”haktuir nia

Iha fatin hanesan, Diretora Mellennium challenge corporation(MCC) Gigi haktur katak projetu rua ne’ebe mak sei implementa husi MCC hanesan opportunidade diak tebes tanba sira ne’ebe servisu ho governu Timor-Leste no projetu rua ne’e foka liu ba edukasaun no Be’e ho saneamentu.

“Ida ne’e hanesan oportunidade di’ak ida servisu hamutuk ho Governo Timor-Leste, projetu rua ne’ebe mak sei implemeta husi governo timor-leste rasik,projetu ida ne’e hanaran kontaktu ne’ebe servisu hamutuk entre governu ho MCC. Projetu ida ne’e desenvolve rasik husi governu timor-leste iha area rua, bee saneamentu ho drainagen, edukasaun fokus liu iha nivel ensinu segundáriu no mos ba teknika vocasional,formasaun ba profesores ho lideransa ba iha eskola sira” Tenik nia

Portantu nia hatutan projetu ne’ebe mak sei implementa husi MCC servisu ho governu Timor-leste ho osan 484 milhoens dolares ne’ebe contribui husi MCC por enquantu governu kontribui 64 milhoens amerikanu

“Projetu entre Millenion Chalenge Cooperation (MCC), ho governo timor-leste estabelese mos entidade ida hanaran Millenion Chalenge Akaun (MMA), servisu hamutuk ho instituisaun governu nian hodi bele implementa projetu rua ne’ebe mak ohin mensiona ona, governu Amerikanu liuhusi Millenion Chalenge Cooparation (MCC), contribui 484 milhoes dolar americano no mos governu Timor-leste fo kontribuisaun ho montante 64 milhoes americanu hodi bele implementa projetu rua ne’ebe mak ohin mensiona ona”Nia hakotu

Entretantu, partisipa Iha reuniaun ne’e Mak Hanesan FONGTIL, REBAS, USAID, CONTACT DEVELOPMENT, no Diretor MCDTL, Sr. Costancio Pinto

Jornalista: Esmeralda da Silva