Polítika Leilaun Karreta, FONGTIL & PDHJ Sei Estuda Hodi Apresenta Petisaun Ba PN No Tribunal
SAPNewsTL,DILI- Forum Organizasaun Naun Governamental(FONGTIL) ho membru sira halo enkontru ho Providor do Direitos Humanos e Justisa(PDHJ),atu apresenta petisaun leilaun karreta prado no husu PDHJ nia kompetensia hodi halo komunikasaun ho Parlamentu Nasional asional no Tribunal.
Tuir diretor FONGTIL Valentim Da Costa hateten ohin sira hasoru malu ho PDHJ hodi submete petisaun hodi rejeita ba desijaun Parlamentu Nasional kona-ba leilaun karreta
“Ohin ne’e ami iha oportunidade hodi hasoru malu ho exelensia provedor dos direitos humanos e justisa(PDHJ), hodi bele mai submete ami nia petisaun ne’ebe hodi rejeita ba desijaun parlamentu nasional kona-ba leilaun karreta sira ne’ebe mak dadaun ne’e nain deputadu sira uza”Dehan Diretor FONGTIL Valentim da Costa, ba Jornalista sira iha salaun PDHJ,Quarta-feira(07/06/2023)
Nia salenta katak petisaun ne’e atu husu ba PDJH nia kompetensia hodi halo komunikasaun legal hodi hapara leilaun ba Karreta
“Ami mai submete, ami nia Petisaun ida ne’e hodi husu PDJH uza nia kompetensia tomak bele halo komunikasaun politika, komunikasaun legal sira no bele hare oinsa mak ita bele haree katak tenke para ona ho kultura leilaun ba kareta patrimoniu estadu nian”haktuir nia
Iha fatin hanesan, Diretor Providor de Direitos Humanos e Justisa(PDHJ),Virgilio da silva Guteres haktuir katak ohin FONGTIL apresenta leilaun ba petisaun Karreta prado no sira simu no estuda para buka fudamentu hodi apresenta ba tribunal no parlamentu nasional
“Primeiru ami simu ho ami estuda ho parte juriduku nian iha PDHJ atu haree, buka fundamentu legal liu-liu desijaun ne’e atu submete ba tribunal hodi fiskalija abstratamente inkonstitualidade husi desijaun parlamentu ninian, tenke iha pareser no analisa legal ruma ba jurídiku sira atu haree ba ida ne’e”Tenik nia
Nia salienta katak PDHJ sei tuir lei mantadu hodi halo supervisaun ba entidade publiku hotu-hotu
“Opsaun seluk mak hanesan ohin diretor hateten katak iha komunikasaun politika, PDHJ tuir lei nia mantadu atu halo supervisaun ba entidade publiku hotu-hotu inklui parlamentu, mesmu ba parlamentu nasional ho tribunal limita deit ba servisu administrativu laos ba funsionamentu normal entidade sira nia,ba ida ne’e desijaun administrativu fo dalan ba provedor atu halo komunikasaun politika ho parlamentu nasional atu hare sei iha posibilidade atu hapara desijaun sira ne’ebe mak publikamenta ladun fo benefisiu”Dehan nia
Leilaun karreta ne’e ladun enkoraja publika atu aseita desijaun hirak ne’e tanba povu barak mak sei moris iha situasaun la diak no mos orgaun soberania, sosiedade sivil sira seluk ne’ebe mak banhira mandatu remata sira la halo leilaun ba patrimoniu estadu.
Enkuantu, Antes ne’e Presidente Parlamentu Nasional Aniceto Guterres haktuir Desizaun Leilaun Karreta ne’e dalan Diak liu hodi evita hatodan despeza Estadu nian tanba gastu Osan barak iha manutensaun, Nune’e PN Deside Halo Leilaun hodi hola fali Karreta foun
Jornalista: Marcela Mery da Costa