Agradese Ba Konsellu Imprensa, Konsege Delibera Mídia SAPNewsTL & Publika Iha Jornal da Repúblika

SAPNewsTL, Dili : Mídia Sa’ani Assamana Prazer News Timor-Leste (SAPNewsTL) hetan Ona Deliberasaun husi Konsellu Imprensa de Timor Leste iha Loron 31 Marsu 2023 no Publika Ona Iha Portal Ofisial Estadu Timor Leste, Jornal da Repúblika iha loron 5 Abril 2023

Média SAPNewsTL nu’u meiu komunikasaun sosiál ida ne’ebe hari’i husi estudante Universitáriu sira, Formandu Jornalizmu Profisional sira no Estudante Sekundaria sira, iha ne’ebe hamriik nu’udar média online ho prinsipiu Informativu, Inspirativu, Konstrutivu, Produtivu, krítiku no Edukativu hodi hari’i Sosiedade Timor-Leste ida Justu, Prósperu, Solidáriu no Fraternu.

SAPNewsTL hanesan orgaun komunikasaun sosiál ida ne’ebe sein fins lukrativu no hambriik estimula sosiedade fornese informasaun justu hodi asegura direitu sidadaun hotu nian ne’ebe fundamenta iha Konstituisaun Repúblika Demokrátika Timor-Leste Artigu 40o no 41o nian, kona-ba Liberdade Expresaun no Liberdade Imprensa.

SAPNewsTL órgaun komunikasaun sosiál ida ne’ebé livre no independente hosi podér polítiku no podér ekonómiku, iha ne’ebe sei dezenvolve nia atividade editoriál ho liberdade no karater jornalizmu ida ne’ebé iha kualidade. SAPNewsTL hala’o nia atividade jornalistika nian hodi garante no promove prinsipiu Governasaun di’ak, Kontrolu Sosiál, Inspirativu, Divertimentu no kaer metin kultura damen, domin, unidade, justisa, liberdade, demokrasia no responsabilidade.

Liu husi Biban Ida ne’e, Estrutura Mídia SAPNewsTL ho Liderança Konselleiru Mídia SAPNewsTL Pe. Mouzinho Pereira Lopes, Presidente Komunidade Islâmiku Timor Leste (KONISTIL) Sidik Lemorai no Eng. Armindo de Jesus hamutuk ho Professor Agustinho de Sousa no Presidente SAP News TL Clementino Bragança Machado, Diretora Ezekutiva Antonina Lopes da Silva, Xefe Redasaun Lídia Amaral hamutuk ho estrutura Tomak no Jornalista SAPNewsTL hato’o :

1. Agradese Wain Ba Maromak nia Matenek, Grasa, Bensa no Forsa ne’ebé Haraik Mai Ami hodi hari’i Mídia SAPNewsTL, Mídia Juvenil no Estudantil ida ne’ebé Idéntiku ho feto ran no mane Klosan Sira to’o iha Minutu ne’ebe hetan Deliberasaun no Publikasaun iha Portal Ofisial Estadu Timor Leste nian, Jornal da Repúblika
2. Ami Nia Onra no Glória Ba Herói Funu Nain Sira hotu, Matebean Sira no Rai Lulik Timor nia ispiritu luta ne’ebé turuk ba ami Foinsa’e Feto no Mane Sira Ne’ebe halibur hamutuk hodi luta ba hatutan no halian Lian Laek Sira liu husi Mídia SAPNewsTL
3. Obrigadu no Agradese Wain Ba Konsellu Imprensa de Timor Leste ho Líderansa Presidente Otélio Ote, Membru sira hanesan Amito Araujo, Benevides Correria Barros, Espedito Loro Dias Ximenes no Francisco Belo Simões ne’ebé delibera Estatutu Mídia SAPNewsTL iha Plenária Konsellu Imprensa (KI) iha loron 31 Marsu 2023
4. Agrasede mos ba Diretor Ezekutivu KI Hamutuk Ekipa Tékniku Sira hotu iha Diresaun Konsellu Imprensa nian ne’ebe Servisu makaas Tebes, Fasilita no apoia Estrutura SAP News TL hodi kompleta Dokumentu Sira to’o iha faze final
5. Agradese Ba Ema hotu ne’ebé servisu iha Portal Ofisial Estadu Timor Leste, Ne’ebe Públika ona Mídia SAPNewsTL iha Jornal da Repúblika
6. Agrasede mos ba SERVE,I.P ne’ebe regista ona Ami no Sertifika ami iha Hanesan Empresa Ka Kompanha ida ne’ebé Eziste Iha Timor Leste liu husi Hala’o atividade Jornalistika
7. Agrasede Ba Sekretaria Estadu Komunikasaun Sosial (SEKOMS) Mericio Juvinal dos Reis Akara ne’ebé sempre fo koragem no enkoraja Juventude Jornalista SAPNewsTL hodi kontinua luta ba Kontribui Desenvolvimentu Orgaun Komunikasaun Sosial hodi tulun no servi Povu Doben Timor Leste Nia Direitu asesu ba Informasaun no hato’o Ninia opiniaun, Wainhira Vizita no to’o iha Sede Média SAPNewsTL iha Foho Tutun, Bekora Dili Timor Leste, iha Loron 01 Fevereiru 2023 no Partisipa iha Lansamentu Ofisial Mídia SAPNewsTL iha Salaun INAP,I.P Comoro, 24 Fevereiru 2023

Ikus Liu, Ami hato’o Agradese wain ba Ema hotu ne’ebe durante ne’e asesu Produtu Jornalistika Mídia SAPNewsTL no Ema Hotu ne’ebé tuir ona Pajina Facebook SAP News TL hodi akompanha Loron loron notisia Sira ne’ebe divulga husi mídia ne’e. Ami kontinua nakloke ba imi nia sujestaun, Kritiku no ideia Sira hodi hadia diak liu tan Publikasaun hotu ba Futuru

Jornalista: Marcela Lemos