Fulan Setembru, Sosiedade Sivil Sei Diskute Asuntu 6 Iha Komferénsia

SAPNewsTL, Díli – Membru Organizasaun Diresaun Rejional konferensia Sociedade Sivil, hamutuk ho Associação dos Sudeste Asiáticu no Forum Popular ASEAN (ACSC/APF) diskute topiku Direitus Umanus, Demokrasia, Ekolojiku no Seguransa

Kordenadora Komisaun Organizadora ba preparasaun komferensia sosiadade civil Elisabeth de Araújo hateten, sorumutu ida ne’e ho objetivu atu halibur plataforma rejional ida husi organizasaun, Sociedade Sivil ne’ebe envolve Asosiasaun Nasaun Sudeste Aziatiku (ASEAN , hodi reune kona-ba preparasaun komferénsia ne’ebe sei hala’o iha fulan Setembru tinan ne’e.

“Ami hala’o sorumutu iha kapital Díli durante loron tolu hodi halo preparasaun ba 2024 ACSC/APF ne’ebe sei organiza husi Sociedade Sivil Timor-leste iha Fulan Setembru tinan ida ne’e, Tamba Komferensia Sosiedade Sivil, hahu iha tinan 2005 iha Malazia” Dehan, Kordenadora Komisaun Organizadora, Elisabeth de Araújo ba Jornalista sira hafoin remata konferensia iha Farol (31/05/2025)

Elisabeth hatutan, kada tinan grupo, Sociedade Sivil sira husi nasaun ofisial ASEAN sai nu’udar uma nain hodi organiza ACSC/APF paralelu ka akompanha iha sorumutu estado nian ( state summits), maibé tinan ida ne’e Organizasaun Sociedade Sivil Timor-leste sai nu’udar komisaun organiza ba eventu signifikativu ida ne’ebe antes ne’e hala’o ona iha 2016.

“Desizaun signifikante sira ne’ebe lori ba konferensia ACSC/APF iha loron 25 to’o 27 fulan Setembro tinan 2024 inklui mos ba tema “Ba povu ida lidera Demokrasia no Soberania iha Sudeste Aziatiku” hodi organiza espasu sira atu resolve asuntu sira hanesan, ida (1) ema serbisu nain, Neoliberalizmu no Rejionalizmu Alternativa, rua (2) Violensia Estado, Militarizmu, Libertasaun Nasional no Demokrasia (3) Tekniku Monopoliu, Autoritariu digital no liberdade internet (4) Krize Ekolojika, Direitu Ambiental, Asuntu Agrikuktura no Urbano; (5) Menoridade, Povu marjinalizadu no justisa jeneru no (6) Hari’i pas, Seguransa Umanu no justisa Tranzitoriu”. Nia informa

Nia salienta, liu husi komferensia ne’ebe sei hala’o iha fulan Setembru sei diskute mos Kona ba topiku estratejiku sira hanesan krize Ekolojika, Soberania Ai-han, Ekonomia Rejional, Direitu umanu, solidaridade internasional, seguransa rejional, no trabalhador imigrasaun sira no sei foka liu ba Krize Myanmar nian, hodi halo audiensia públiku ida kona-ba ba Myanmar organiza husi providor justisa no Direitus Umanos iha koperasaun no ONG rejional Sira seluk no Sentru Nasional Chega (CNC) iha 27 Maiu 2024

Entertantu, Komferensia ne’ebe sei hala’o iha fulan Setembru tinan ne’e sei akumula Sociedade Sivil, Timor-Leste ho Associação dos Sudeste Asiáticu Forum Popular no Organizasaun Naun Governamental Timor-Leste (FONGTIL) hodi koresponde ba Komemorasaun tinan 25 referendum popular ne’ebe loke dalan ba Restaurasaun Independensia Timor-leste nian.

Konferensia refere sei realiza iha Fulan Setembru durante loron 3 (25-27 Setembru), hafoin vizita Sua Santidade Papa Francisco mai Timor-Leste.

Jornalista : Eleonora Fatima dos Santos