Tinan Ne’e, Papa Francisco Sei Vizita Timor-Leste & Papua
SAPNewsTL, América : Iha fulan Agostu nia rohan, Amu Papa Francisco sei vizita nasaun haat iha Azia – Indonezia, Singapura, Timor-Leste no Papua Nova Guine.
Tuir Amerika, revista katólika fulan-fulan ida-ne’ebé publika husi jesuita Estadus Unidus nian, Papa Francisco planu atu vizita Azia iha tinan 2020. Maibé, pandemia COVID-19 hamosu atrazu iha vizita ne’ebé iha ona oráriu.
“Timor-Leste iha ema katóliku barak liu iha Azia – 97% husi ema millaun 1.4 mak katóliku. Maibé, 26% de’it husi Papua Nova Gine nia ema millaun 10 mak katóliku. Papa Francisco hakarak vizita nasaun ki’ik rua iha periferia mundu nian ba tempu kleur ona.” SAPNewsTL screenshoot liu husi Vatican News, ne’ebe publika iha loron 10/01/2024
Iha parte seluk, Indonezia iha ema-muslim barak liu iha nasaun ida-idak iha mundu, no Singapura husu ba Vatikanu atu vizita sidade-estadu.
Maski la iha posibilidade, Papa Francisco mós bele ba Vietnam iha tinan ida-ne’e. Buat sira-ne’e sai di’ak liu entre Santu Sé no Vietnam.
Governu Vietnam loke eskritóriu no iha reprezentante rezidente iha nasaun ne’e iha tinan kotuk. Ida ne’e foin primeira-vez hahú husi Funu Vietnam nia rohan katak ida-ne’e bele akontese.
Iha fulan Jullu tinan kotuk, Prezidente Vietnam hasoru malu ho Amu Para Francisco, no iha fulan Dezembru, nia haruka karta formál ida ba Papa Francisco hodi husu nia atu vizita rai ba rai refere.
Tuir ofisiál Vatikanu ida-ne’ebé ko’alia ho Amerika, governu Vietnam bele forma lalais relasaun diplomátika hanesan ho Myanmar, iha ne’ebé estabelese relasaun fulan hirak antes Francisco vizita nasaun ne’e iha 2017.
Aleinde nasaun sira iha Azia, Amu Papa mós planu atu vizita Beljika no Argentina (ninia rai-laran) iha tinan ida-ne’e. Prezidente Fransa Emmanuel Macrom husu ba Papa Francisco atu vizita Paris hodi loke fali Katedral Nore-Dame iha loron 8 Dezembru 2024, maske Francisco seidauk fó sai nia planu.
Enkuantu, Amu Papa Francisco hala’o ona vizita ba nasaun neenulu resin-ida (61) dezde nia sai papa iha tinan 2013.
Jornalista : Marcela Mery da Costa