TL No Kambodia Analiza Situasaun Múndiál
Imajen Sorumutu Entre Prezidente Republika Jose Ramos Horta no Primeiru Ministru Cambodia Hun Sen
SAPNewsTL (Cambodia) : Prezidente Repúblika Jose Ramos Horta hasoru malu ho Primeiru-Ministru Reinu Kambódia, Vise Xefe Estadu Maiór Forsa Armada, Jenerál Komponente Terrestre Reinu Kambódia, Tenente Jenerál Hun Manet no emprezáriu balun.
Iha Sorumutu refere, Xefe Estadu Timor Leste ne’e hateten Lider sira estadu Cambodia rona husi nia kona-ba situasaun mundial
“Hanesan enkontru infomál ida, troka impresaun no sira hakarak rona ha’u nia apresiasaun no análiza kona-bá situasaun mundiál liu-liu Ukránia no polítika Amerikanu inklui relasaun Timor-Leste” informa PR Jose Ramos-Horta iha Kambódia, 19 Outubro 2022
Tuir Xefe Estadu, Primeiru Ministru Hun Sen Kambódia apoia tebes adezaun Timor-Leste ba ASEAN no envolvimentu Timor-Leste iha organizasaun rejionál ne’ebe kontribui liu-tan ba diplomasia ho nasaun seluk no kontribui ba rezolusaun problema iha Mianmar.
“Bainhira Timor-Leste tama ASEAN sei kontribui makaas ba diplomasia kona-ba situasaun iha Myanmar, iha kontestu ASEAN atu haré oinsa kontribui hodi hetan solusaun tanba, bainhira kontinua, sei afeta bá ASEAN nia kreadibilidade”. argumenta Xefe Estadu.
Prezidente Horta mós rekorda sofrimente líder no povu Myanmar, tanba ne’e promete atu hametin parseria ho ASEAN, hodi solusiona konflitu liu husi dalan diálogu.
Enkuantu, Vizita Xefe Estadu ba Kambódia husi loron 19 to’o 21 fulan Outubru, hanesan resposta ba konvite husi Liurai Reinu Kambódia, Narodom Sihamonia, hodi hametin relasaun bilaterál ho Timor-Leste.
Jornalista : Vinsensius Saldanha