Traballador 175 Sei Ba Austrália, Tinan Oin Sei Selu Taxa Ba Estadu
SAPNewsTL, Dili : Hafoin asina akordu servisu ho família Traballador sira, Sekretariu Estadu Formasaun Profissional no Empregu (SEFOPE) Rogerio Araujo Mendonca konsidera asina akordu ne’e nu’udar kostume ida ba Traballador sira, molok ba servisu iha ema nia rain
“Asina akordu ne’e Konstume ne’ebe ita hotu hatene, bainhira Trabalhador sira atu ba servisu iha ema nia rai tenki asina akordu entre governu ho familia ou serimonia despedida atu bele fo lia menon ba Trabalhador no Familia”. Tenik SEFOPE Rogerio Araujo Mendonca ba Jornalista sira iha Timor Lodge, 18/08/2023
Governu halo ona Investimentu iha formasaun no buka dalan ba joven sira hodi hetan serbisu iha rai liur, oinsa bele kontribui hamutuk ba dezenvolvimentu nasaun nian iha futuru
Governante ne’e hatutan, Timor oan barak iha ona abilidade servisu iha ema nia rain, sira tenki selu taxa ba estadu
“Ita nia ema iha abilidade ba serbisu iha estrageiru barak tebes, entaun husi ida ne’ebé governu investe tiha ona, ita tenki husu ba sira ne’ebe servisu iha Australia no Korea liu husi investimentu Guvernu, sira mos tenki hatama netik taxa ruma ba Estadu, Nune’e ita labele dependensia ba mina”. Nia subliña
Sekretaria Estadu ne’e akresenta, Lei Orgánika SEFOPE iha ona sei lori ba Konselhu Ministru, Laiha Trabalhador ida maka hatama reseita ba Estadu desde estabelese serbisu ba rai liur, Sira haruka osan mai sira nia familia deit, tan ne’e SEFOPE kria fila fali mekanismu diak ida atu nune’e tau ba tinan 2024
Iha fatin hanesan, Trabalhador Isac Sarmento sente onradu tebes tanba bele sai selesionadu ida, maske selesaun ne’e kleur uituan desde 2019 ate agora foin mak atu ba Australia.
“Sente onradu bele hetan oportunidade ba servisu iha Australia, Ha’u promete sei Kumpri regulamentu, Ha’u sei ba servisu ho fuan no laran,”Nia Promete
Traballador sira ne’ebe ohin asina akordu hamutuk 175 Kompostu husi feto 72 no mane 103, Traballador hirak ne’e sei aranka iha semana oin
Jornalista : Ermelinda Soares