Traballador 55 Sei Ba Korea, Timor Oan 1.000 Konsidera Ilegal & 500 Passaporte Mate

SAPNewsTL, Dili : Sekretariu Estadu Formasaun Profisional no Empregu (SEFOPE) liu husi Diresaun Empregu Exterior haruka tan traballador Timor-oan mane nain 55 ba servisu iha Area peskas, tuir planu sei aranka iha loron 11 domingu fulan Junu tinan ne’e.

Diretor Diresaun Empregu Exterior Filomeno Soares husu traballador sira atu komporta servisu ne’ebe diak hodi oferese Imajem diak ba Koreanu sira

“Imi bele ba Korea tanba esforsu no sakrifisiu ne’ebe imi halo mak imi nia maun sira halo ona iha pasadu imi nia komportamentu no servisu diak sei oferese imagen diak ba ema Korea no iha futuru alin barak mak sei ba Korea bainhira imi nia komportamentu servisu diak iha ne’eba,” dehan nia iha diskursu no Serimonia despedida traballador sira iha salaun Timor Lodge Komoro, kinta (08/06/2023).

Nia hatutan, traballador sira ne’e sei reprezenta Timor-Leste iha Korea, Nune’e labele haluhan katak povu Korea sei konhese no defini Timor-Leste liu husi hahalok diak sira ne’ebe iha.

Filomeno husu ba traballador sira karik lahatene lei laboral ruma iha ne’eba favor konsulta patraun Ka ema ne’ebe hatene tanba rona katak tan deit problema kiik oan ida lakohi resolve halo sai problema boot tanba ne’e husu ba traballador sira karik hakarak muda fatin tenki husu lisensa ba patraun no tenki rai hela prova ne’e.

“Imi sira ne’e tenki kuidadu saude fasilidade mediku iha Korea, tanba ne’e senti moras ba vizita hospital tanba traballador sira selu ona asuransi ne’ebe labele hanoin ba kustu ka osan. Durasaun tempu masimu tinan tolu no tinan haat fulan ualu sira nia saláriu nee kuaze ba Nasaun sanulu-resin, ne’e sira lahalo diskriminasaun ba salariu tantu traballador domestiku no traballador imigrantes”.

Nia Informa “Ita nia traballador agora dadauk sai traballador ilegal hamutuk 1000 traballadores, ita sei buka oinsa para traballador sira fila mai Timor.”tenik nia.

“Ita nia traballador 500 sira nia passaporte mos mate maibe Embaixada Koreo sei servisu hamutuk, ho SEFOPE ho Justisa hodi nune’e bele renova fila fali sira nia passaporte”.

Nia hatutan, Servisu iha Korea sei sai biban diak ba Timor-oan atu hetan esperensia no osan, maibe laos fasil traballador sei servisu iha loron manas tasi malirin servisu ne’e laos buat fasil maske todan maibe hatudu hahalok diak oin hamnasa tanba buat diak sei mosu.

Iha fatin hanesan, Representante Trabalhador Timor oan husi Munisipiu Covalima Postu Administrativu Tilomar Suku Maudemo Aldeia Besakoan Norberto Cardoju informa, “antes ba servisu iha Korea ba dahuluk tenki kursu sira nia Lian prosesu aprendijazen ne’e laos aprende lian deit maibe estuda mos etika no aprende mos konaba oinsa dezenvolve ekonomia Korea nian La’o ba oin”.

“Ha’u nia mensajen ba joven sira keta lakon oportunidade ne’ebe mak iha no aproveita oportunidade atu nune’e bele atinji ita nia mehi sei sai realidade,”Nia hakotu.

Enkuantu, Embaixador Korea do Sul mos kompromete sei Kontinua apoia no fasilita Timor oan hodi ba servisu iha Korea ba futuru, nune’e bele hetan experiensia no osan barak hatama mai Timor Leste